बहराईन कोरोना : एउटै क्याम्पमा बसेका ९ नेपाली कामदारमा कोरोना पोजिटिभ

Best Khabar Team | २०७६ चैत्र २२ गते शनिबार

०४ मार्च, २०२०
सल्माबाद । बराईनमा कामको शिलशिलामा पुगेका थप ९ जना नेपाली कामदारमा कोरोनाको संक्रमण भेटिएको छ । यहाँका सञ्चारमाध्यमले दिएको जानकारी अनुसार स्थानीय साल्मावादस्थित एउटा क्याम्पसमा बस्ने ९ जना नेपालीमा कोरोनाको संक्रमण भेटिएको पुष्टि भएको हो । यो सँगै बहराईनमा कोरोना संक्रमित नेपालीको संख्या १२ पुगेको छ ।

करिब ४ सय जना बसोबास गर्दै आएको साल्मावादको सो क्याम्पसमा रहेका ९ जना नेपालीमा कोरोना संक्रमण भेटिएको र उनीहरुलाई आइसोलेसनमा राखेर उपचार भै रहेको बहराइनस्थित नेपाली दूतावासले समेत पुष्टि गरेको छ । उनीहरुको अवस्था अहिलेसम्म सामान्य रहेको बताइएको । सो क्याम्पसमा रहेका ३ सय भन्दा बढीको उपचार सफल भएको र केहीको मृत्यु समेत भएको बताइएको छ ।

बहराईन सरकारले लकडाउन गरी नियम उल्लंघन गर्नेलाई तीन महिनासम्म जेलको व्यवस्था गरेका कारण पनि यहाँका नेपाली तथा अन्य विदेशी कामदारले नियम उल्लंघन गरेका छैनन् । बहराईनमा रहेका अन्य नेपालीहरु भने अहिलेसम्म सुरक्षित रहेको दूतावासको भनाई छ ।