राष्ट्रसंघीय मानवअधिकार परिषद्को उच्चस्तरीय बैठक जेनेभामा, नेपालले पनि सहभागिता जनाउँदै

Best Khabar Team | २०७६ फाल्गुन १० गते शनिबार

२२ फेब्रुअरी, २०२०
जेनेभा । स्वीट्जरल्याण्डको राजधानी जेनेभामा संयुक्त राष्ट्रसंघीय मानवअधिकार परिषद्को ४३ औं उच्चस्तरीय बैठक शुरु हुँदैछ । यही फेब्रुअरी २४ देखि शुरुहुने बैठकमा विश्वका विभिन्न राष्ट्रका परराष्ट्रमन्त्री तथा मानवअधिकारका क्षेत्रमा क्रियाशील विभिन्न संघ संस्थाका प्रतिनिधिहरुको सहभागिता रहने छ ।

बैठकमा विश्वका विभिन्न देशको मावनअधिकारको पछिल्लो अवस्थाको बारेमा प्रतिवेदनहरु पेश हुनेछन् । विशेषत : यो वर्ष बालअधिकार सम्बन्धी सन्धि भएको २५औं वार्षिकोत्सवको अवसरमा बैठक गर्न लागिएकोले बालअधिकारका मुद्दाहरुले विशेष प्राथमिकता पाउने छ । नेपालले पनि यो बैठकमा सहभागिता जनाउँदैछ । बैठकमा सहभागी हुन परराष्ट्रमन्त्री प्रदिप ज्ञवाली आज जेनेभा आइपुग्ने कार्यक्रम रहेको छ ।

उनले यहाँ रहँदा नेपालमा बालबालिकाको अवस्था, उनीहरुको हक अधिकार, स्वस्थ्य, शिक्षा, पोषण, मनोरञ्जनलगायतका विषयमा प्रतिवेदन पेश गर्ने कार्यक्रम रहेको छ । यहाँ रहँदा मन्त्री ज्ञवालीले राष्ट्रसंघीय मानव अधिकार उच्चायुक्तसँगसमेत भेटवार्ता गर्ने कार्यक्रम रहेको बताइएको छ । कार्यक्रममा नेपालको पराष्ट्रमन्त्रालयका केही अधिकारीहरुसमेत सहभागि हुनेछन् ।

Comment from facebook