भुटानमा पहिलोपटक भेटियो कोरोना संक्रमित, थिप्पुका विद्यालय बन्द, नाका पनि सिल गरियो

Best Khabar Team | २०७७ जेठ २१ गते बुधबार

०६ मार्च, २०२०
थिम्पु । भुटानमा पहिलो पटक कोरोना संक्रमित भेटिएको छ । भुटानका प्रधानमन्त्री लोटे छिरिङ्गले सामाजिक सञ्जालमा राखेको जानकारी अनुसार अनुसार भुटानको थिम्पु घुम्न आएका एक अमेरिकी नागरिकमा कोरोनाको संक्रमण देखिएको हो । ती नागरिक भारत हुँदै घुमघामका लागि भुटान आइपुगेका थिए ।

गएको फेब्रुअरी १० तारिखमा अमेरिकाबाट भारत पुगेका ती विदेशी नागरिक ४ दिनअघि सोमबार भुटानको राजधानी थिम्पु पुगेका थियए । ७५ वर्षका अमेरिकी नागरिकमा कोरोना संक्रमण भेटिएपछि उनलाई विशेष निगरानीका साथ अस्पतालको आइसोलोसेन वार्डमा राखेर उपचार गरिँदैछ । उनीसँग सम्पर्कमा रहेका करिब १ सय जनालाई पनि तत्काल निगरानीमा राखेर उपचार थालिएको छ ।

एसियाली मुलुक भुटानमा पहिलो पटक कोरोनाको संक्रमण देखिएपछि भुटानले तत्काल लागि थिम्पु र आसपासका शहरका सबै विद्यालय बन्द गरेको छ । यस्तै, भुटानसँग जोडिएका सबै देशका सिमा तथा नाका पनि २ साताका लागि बन्द गर्ने निर्णय गरेको छ । भुटानले अन्य व्यक्तिमा कोरोनाको संक्रमण फैलन नदिनँ विशेष सावधानी अपनाउने निर्णय समेत गरेको छ ।