चौकी आक्रमणको हल्ला नियोजित, आक्रमणको नीति छैन : नेकपा चन्द समूह

Best Khabar Team | २०७६ जेठ २० गते सोमबार

०३ जुन, २०१९
काठमाडौं । गएराति सोलुम्बुमा नेत्र विक्रम चन्द नेतृत्वको नेपाल कम्युनिष्ट पार्टीले स्थनीय प्रहरी चौकी आक्रमण गरेको समाचार सार्वजनिक भएपछि नेकपाले विज्ञप्ति निकालेर त्यसको खण्डन गरेको छ ।

चन्द नेतृत्वको नेकपाले आज विज्ञप्ति जारी गरी सोलुखुम्बुमा आफ्नो पार्टीले चौकी आक्रमण नगरेको स्पष्ट पारेको छ । चौकी आक्रमण गर्ने आफ्नो पार्टीको कुनै नीति नरहेको चन्द नेतृत्वको नेकपाको स्पष्टोक्ति छ । पार्टी प्रवक्ता खड्गबहादुर विश्वकर्माले आज एक विज्ञप्ति जारीगर्दै सोलुखुम्बुमा पार्टीले प्रहरीचौकीमा आक्रमणको प्रयास गरेको भन्ने हल्ला नियोजित र षड्यन्त्रपूर्ण प्रचारबाजी मात्र भएको उल्लेख गर्नुभएको छ ।

नेकपामाथि दमनको नीतिमा सरकार उत्रिएको र त्यसैको फलस्वरुप सोलुखुम्बुमा प्रहरी चौकी आक्रमणको प्रचारबाजी गरेको उहाँको आरोप छ । हेर्नोस् चन्द नेतृत्व नेकपाको विज्ञप्ति तलको तस्वीरमा :

Comment from facebook