बाग्लुङ्गकी ६५ वर्षकी कोरोना संक्रमित महिलाको लगातार तेश्रो रिपोर्ट पनि नेगेटिभ

Best Khabar Team | २०७७ बैशाख ४ गते बिहिबार

१६ अप्रिल, २०२० बलेवा । कोरोना संक्रमित भै जिल्ला अस्पतालको आइसोलेसनमा रहेकी एक ६५ वर्षकी महिलाले कोरोनालाई जित्ने तयारी गरेकी छन् । चिकित्सकहरुका अनुसार लगातार तेश्रो पटक गरिएको परीक्षणमा पनि उनमा कोरोना संक्रमण नेगेटिभ देखिएपनि उनलाई डिस्चार्ज गर्ने तयारी गरिएको छ ।

तर त्यो भन्दा अगाडि तेश्रो पटकको स्वाब परीक्षणको रिपोर्टका लागि नमुना पोखरा पठाईको छ । त्यसको रिपोर्टको आधारमा उनलाई डिस्चार्ज गर्ने वा नगर्ने भन्ने टुंगो लगाएने बताइएको छ । यसअघि स्वाब परिक्षणम कोरोना भाईरसको संक्रमण देखिएपछि विगत केहीसाता यता ती महिला जिल्लाको धवलागिरी अस्पतालमा उपचाररत छिन् ।

तर लगातार तेश्रोपटक गरिएको स्वाब परीक्षणमा समेत कोरोना नेगेटिभ भेटिएपनि आशा पलाएको अस्पतालले जनाएको छ । धौलागिरी अञ्चल अस्पताल बागलुङ्गका प्रमुख डा.शैलेन्द्र पोखरेलका अनुसार भोलि फेरि उनको स्वाब परीक्षणको अन्तिम रिपोर्ट आउने र संक्रमण नदेखिए अस्पतालबाट डिस्चार्ज गरिने छ ।

स्वाब परीक्षणका लागि आज साँझ नमुना पोखरा पठाईको । त्यसको रिपोट भोलि साँझसम्ममा आउने र रिपोर्ट नेगेटिभ आएमा उनलाई अस्पतालबाट आइतबार सम्ममा डिस्चार्ज गरिने छ । उनी नेपालमा भेटिएकी पाँचौ कोरोना संक्रमित हुन् ।

Comment from facebook