hi himalaya nepal

तत्काल भारत छाड्न आफ्ना नागरिकहरुलाई अमेरिकी विदेश मन्त्रालयको आग्रह

Best Khabar Team | २०७८ बैशाख १६ गते बिहिबार


२९ अप्रिल, २०२१
न्यूर्योक, अमेरिका । अमेरिकाले पछिल्ला दिनमा विश्वमै सबैभन्दा तीव्र गतिमा कोरोना भाइरस फैलिएपछि भारतमा रहेका आफ्ना नागरिकलाई तत्काल भारत छाड्न आग्रह गरेको छ । अमेरिकी विदेश मन्त्रालयले एक ट्राभल एडभाइजरी जारी गर्दै व्यक्तिगत स्वास्थ्य सुरक्षाको हिसावले भारतमा कोरोनाको जोखिम उच्च रहेको भन्दै तत्काल भारत छाड्न भनेको हो ।

साथै अहिलेको अवस्थामा भारतमा यात्रा नगर्न अमेरिकाले विश्वभर रहेका आफ्ना नागरिहरुलाई आग्रह गरेको छ । पछिल्ला दिनमा भारतमा देखिएको कोरोना भाइरसको स्वरुप निक्कै संक्रामक रहेको र यसको असर पनि तीव्ररुपमा समुदायस्तरमा फैलिरहेको सन्दर्भमा अमेरिकाले आफ्ना नागरिकलाई विशेष ध्यानाकर्षणसहितको ट्राभल एड्भाइजरी जारी गर्दै यस्तो आग्रह गरेको हो । बेलायतलगायतका कतिपय देशले भारतबाट हुने सबै उडानमाथि प्रतिबन्ध लगाउनुका साथै भारतीय नागरिकहरुलाई समेत स्वदेश प्रवेश गर्नका लागि तत्काल रोक लगाइरहेको सन्दर्भमा अमेरिकाको विदेश मन्त्रालयले यस्तो निर्देशन जारी गरेको हो ।

भारतमा पछिल्ला दिनमा पौने चारलाखको हाराहारीमा कोरोना संक्रमित देखिन थालेपछि यसको असर पनि तीब्ररुपमा फैलिइरहेको छ । विरामीको व्यवस्थापनमात्रै होइन शवको व्यवस्थापनका लागि पनि भारत सरकारलाई यतिबेला हम्मेहम्मे परेको छ । कोरोनाका कारण भारतमा दैनिक तीनहजार भन्दा मानिसले ज्यान गुमाइरहेका छन् भने लाखौं कोरोना पीडित अस्पतालको पहुँचसम्म पुग्न सकेका छैनन् । पछिल्ला केहीसातायता भारतमा देखिएको कोरोना अति नै घातक खालको रहेको स्वास्थ्य अधिकारीहरुले यसअघि नै बताइसकेका छन् । यसको असर छिमेकी मुलुक नेपालमासमेत देखिन थालेको छ ।



Comment from facebook



थप खबर पढ्नुहोस्
फिनल्याण्डमा ३४ वर्षकी महिला बनिन् प्रधानमन्त्री फिनल्याण्डमा ३४ वर्षकी महिला बनिन् प्रधानमन्त्री

२०७६ मंशिर २४ गते मंगलबार

११ डिसेम्बर, २०१९ हेलसिकी । पृथ्वीको उत्तरी गोलार्धमा रहेको...

भारतमा आम नागरिकलाई कोरोनो विरुद्धको खोप लगाउन शुरु भारतमा आम नागरिकलाई कोरोनो विरुद्धको खोप लगाउन शुरु

२०७७ माघ ४ गते आइतबार

१७ जनवरी, २०२१नयाँदिल्ली । भारतमा आज जनवरी १७ तारिखका...

तनुहँको पर्यटकीय नगरी बन्दीपुरलाई ‘सिल’ गरियो, अस्पताल पनि २ साताका लागि बन्द तनुहँको पर्यटकीय नगरी बन्दीपुरलाई ‘सिल’ गरियो, अस्पताल पनि २ साताका लागि बन्द

२०७७ असार ९ गते मंगलबार

२३ जुन, २०२०डुम्रे, तनहुँ । तहुँ जिल्लाको पर्यटकीय नगरीको...

मेक्सिकोमा ७ दशमलव ४ रेक्टरको भूकम्प, सुनामीको चेतावनी मेक्सिकोमा ७ दशमलव ४ रेक्टरको भूकम्प, सुनामीको चेतावनी

२०७७ असार ९ गते मंगलबार

२३ जुन, २०२०सान्ता मारिया, मेक्सिको । अमेरिकासँग सिमाना जोडिएको...

Top