८० वर्षपछि यसरी बन्द भयो बीबीसी हिन्दिको रेडियो सेवा (अन्तिम भागसहित)

Best Khabar Team | २०७६ माघ १९ गते आइतबार

०२ फेब्रुअरी, २०२०

नयाँदिल्ली । ८० वर्ष लामो आरोह र अवरोध छिचोल्दै अघि बढेको बीबीसी (ब्रिटिस ब्रोडकास्टिङ्ग कर्पोरेशन) अंतर्गतको हिन्दी रेडियो कार्यक्रमले गत शुक्रबार आफ्नो अन्तिम कार्यक्रम प्रशारण गरेको छ ।

पछिल्लो समयमा रेडियो सुन्ने श्रोताको संख्याभन्दा अनलाईन र अन्य विधाबाट समाचार तथा जनकारी लिनेको संख्या बढी भएपछि खर्च धान्नको लागि बीबीसी हिन्दीले अरबौं श्रोता रहेको सिँगो भारत विश्वभरका हिन्दिभाषी श्रोतालाई स्तब्ध बनाउँदै आफ्नो रेडियो कार्यक्रम रोकेको हो । दोस्रो विश्वयुद्धमा लड्ने भारतीय सैनिकको समाचार उनीहरुका परिवारसम्म पु-याउन ११ मे १९४० मा बीबीसी हिन्दी रेडियोको पहिलो प्रसारण भएको थियो । यद्यपि खर्च धान्नै नसकिएकोले कार्यक्रम बन्द गरेको हो भन्ने विषयमा भने लण्डनस्थित बीबीसीको केन्द्रीय कार्यालयले केही बताएको छैन । त्यतिबेला १० मिनेटको समाचार बुलेटिन प्रसारण हुन्थ्यो । सन् १९४१ बाट भने कार्यक्रमको अवधि आधा घण्टा बनाइयो ।

यसअघि खर्चकै कारण पटक पटक कर्मचारीको कटौती गर्दै आएको बीबीबी हिन्दी रेडियोले शुक्रबार राती स्थानीय समय अनुसार साढे ७ बजे आफ्नो अन्तिम कार्यक्रम प्रशारण गरेको थियो । उसले आफ्नो युट्व च्यानलमा राखेको अन्तिम कार्यक्रम सुनेर हजारौं श्रोताले अत्यन्तै भाबुक ढंगले प्रतिक्रिया दिएका छन् ।

कयन् श्रोताले जिन्दगीमा पहिलो पटक रेडियो सुन्न शुरु बीबीसी हिन्दीबाटै शुरु गरेको बताएका छन् भने कतिपय प्रबुद्द तथा राष्ट्रिय एवं अन्र्तराष्ट्रिय रुपमा चर्चित व्यक्तिले जता समाचार सुनेपनि समाचारको आधिकारिकता तथा निर्णायक समाचारको लागि बीबीसी हिन्दी नै सुन्ने गरेको लेखेका छन् । कतिपय कमेन्ट अयन्तै भाबुक समेत छन् ।

उनीहरुले बीबीसी हिन्दीको अभाव सँधै खड्किइरहने उल्लेख गरेका छन् । देशमा भएका महत्वपूर्ण परिवर्तनमा समाचार माध्यमको रुपमा बीबीसी हिन्दी रेडियोले खेलेको भूमिकाको मुक्त कण्ठले प्रशंशा समेत गरिएको छ । (एजेन्सीको सहयोगमा)

८० वर्षे लामो इतिहाँस बोकेको बीबीसी हिन्दीको अन्तिम रेडियो कार्यक्रम सुन्न तलको लिंक क्लिक गर्नुहोस् । यो भिडियो हामीले बीबीसी न्यूज हिन्दीको आधिकारिक पेजबाट साभार गरेका हौं ।