बेलायतमा पार्कबाट हराईरहेकी नेपाली बृद्दा मृत अवस्थामा भेटिइन् (अपडेट)

Best Khabar Team | २०७७ मंशिर २० गते शनिबार

१२ मे, २०२०
वेस्टह्याम । बेलायतको राजधानी लण्डनबाट दक्षिण पूर्वमा रहेको प्लमस्टिडस्थित प्लमस्टिड कमन पार्कबाट २ दिन अघिदेखि हराईरहेकी एक नेपाली बृद्ध मृत अवस्थामा भेटिएकी छन् । आइतबार दिउँसो दुईबजेतिर पार्कमा घुमेर आउछु भनेर घरबाट निस्केकी ६५ वर्षकी धनमाया थापा पार्क नजिकै आज बिहान मृत अवस्थामा भेटिएकी हुन् ।

उनी घर नजिकै रहेको सो पार्कमा गएको भएपनि साँझसम्म नफर्केपछि उनलाई परिवारले मोबाइलमा सम्पर्क गरेका थिए । तर निरन्तर फोन गर्दासमेत उनको फोन नउठेपछि उनको खोजीका लागि सो क्षेत्रमा रहेका दर्जनौं नेपाली तथा प्रहरी परिचालन गरिएको थियो । तर आज बिहान मात्रै उनको शव फेला परेको उनका आफन्तले बताएका छन् ।

उनको मृत्युको कारण खुल्न सकेको छैन । साउथ ईष्ट लण्डनको प्लमस्टिडमा आफ्ना परिवारका सदस्यसहित बस्दै आएकी धनमायाको मृत्युको बारेमा अस्पतालले खोजतलास शुरु गरेको छ । उनको शवलाई अहिले प्लमस्टिडकै एक अस्पालमा राखिएको छ । आइतबारपार्कमा जानुअघिसम्म उनको स्वास्थ्य अवस्था सामान्य रहेको उनका जानकारी जानकारी दिएका छन् । उनको नेपालको स्थायी ठेगाना पाल्पा जिल्ला रहेको उनका आफन्तहरुले बताएका छन् ।