भारतमा कोरोना : २० को मृत्यु, संक्रमितको संख्या ९ सय ३३ पुग्यो

Best Khabar Team | २०२६ पुष १७ गते बिहिबार

२८ मार्च, २०२०
नयाँदिल्ली । भारतमा कोरोनाको संक्रमणबाट हालसम्म ९ सय ३३ जनाको ज्यान गएको छ । भारतीय सञ्चारमाध्यमहरुले दिएको जानकारी अनुसार देशको राजधानी नयाँदिल्लीलगायत देशका विभिन्न ठाउँमा पछिल्लो २४ घण्टामा ४६ जना नयाँ संक्रमित भेटिएका छन् । उनीहरुको विभिन्न अस्पतालमा उपचार भै रहेको छ ।

संक्रमितमध्ये हालसम्म २० जनाको ज्यान गै सकेको छ भने ८४ जनाको सफल उपचार भएको छ । भारतमा पहिलोपटक फेब्रुअरी १५ तारिखका दिन कोरोना संक्रमित भेटिएको थियो । त्यसपछि निरन्तर रुपमा दैनिक संक्रमित भेटिँदै आएको छ । कोरोनाको प्रकोपलाई फैलन नदिन यहाँको सरकारले २१ दिने लकडाउन गरेको छ ।

जसका कारण विगत १ सातादेखि यहाँका स्कुल, क्याम्पस, सरकारी कार्यालय, निजी उद्योगधन्दालगायत, सार्वजनिक तथा निजी यातयातका साधन ठप्प छ । अत्यावश्यक सेवा प्रवाह गर्नेहरुको सेवा सुचारु रहेको छ । प्रधानमन्त्री नरेन्द्र मोदीले संकटको यो अवस्थाबाट पार पाउनका लगि सबैलाई घरभित्रै रहन आग्रह गरेका छन् ।