हिंसा गरेको भन्दै चलचित्र निर्माता छवि ओझा विरुद्ध अभिनेत्री पोखरेलको प्रहरीमा उजुरी

Best Khabar Team | २०७६ आश्विन २० गते सोमबार

१० जुलाई, २०१९
काठमाडौं । आफूलाई श्रीमान्बाट घरेलू हिंसा भएको भन्दै अभिनेत्री शिल्पा पोखरेलले चलचित्र निर्माता छविराज ओझा विरुद्ध उजुरी दिएकी छन् । प्रहरीका अनुसार आफूलाई पटक पटक श्रीमान्ले पिट्ने गरेको तथा अन्य घरेलु हिंसा गर्ने गरेको सिल्पाले प्रहरी परिसर टेकुमा दिन दिन अघि दिएको उजुरीमा उल्लेख छ ।

परिसरका प्रवक्ता डीएसपी होविन्द्र बोगटीका अनुसार सिल्पाको उजुरी पछि आज दुबैजनालाई प्रहरी कार्यालयमा बोलाएर जानकारी लिन खोजेको थियो । तर ओझाले आफू विरामी भएकोले आज आउन नसक्ने भनेपछि भोलि दिउँसोको लागि बोलाइएको छ ।

चलचित्र अभिनेत्री शिल्पाले अर्की चलचित्र अभिनेत्री रेखा थापाकी पूर्व पति ओझासँगै ३ वर्षअघि विवाह गरेकी थिइएन् । रेखा थापासँग सम्बन्ध विच्छेद भएपछि ओझासँग सिल्पाको सम्बन्ध बाक्लिएको थियो ।

ओझाले नै सिल्पालाई चलचित्रमा पहिलोपटक ल्याएका थिए । चलचित्र लज्जाबाट उनलाई ओझाले डेब्यू गराएका थिए । उहाँहरुबीचको सम्बन्धमा पछिल्लो केही समययता दरार आएको उनीहरुलाई नजिकबाट चिन्नेहरु बताउँछन् ।