प्रहरीको प्रारम्भिक अनुसन्धानले भन्छ : पूर्व सचिवपत्नीको हत्या कामदारबाटै

Best Khabar Team | २०७७ आश्विन १६ गते शुक्रबार

ललितपुरको सानेपास्थित पूर्वसचिव कार्कीको घर ।

१०, फेब्रुअरी, २०२०
ललितपुर । पूर्वसचिव अर्जुन कार्कीकी श्रीमती मुना कार्कीको हत्यामा उनकै घरमा कार्यरत घरेलु कामदार विजय चौधरीको संलग्नता रहेको ठहर प्रहरीले गरेको छ । यद्यपि घटनाको बारेमा प्रहरीले सूक्ष्म ढंगले अध्ययन अघि बढाएको छ ।

ललितपुरको सानेपास्थित आफ्नै घरमा आज बिहान अचेत अवस्थामा भेटिए लगत्तै मुनालाई उपचारका लागि श्रीमान् अर्जुनले प्रहरीको सहयोगमा अस्पताल पु=याएका थिए । अस्पताल पु¥याएको केहीबेरमै उनको ज्यान गै सकेको अस्पतालले बताएसँगै घटनाको बारेमा प्रहरीले थप अनुसन्धान अघि बढाएको थियो ।

घरमा राखिएको सिसि क्यामेराको भिडियो हेर्दा कामदार चौधरीले शुरुमा मुनालाई पछाडिबाट डोरीले घाँटीमा बाँधेर भुईँमा लडाएर पछि प्लाष्टिकको पिर्काले टाउकोमा हानेको देखिएको छ । घटनालगत्तै चौधरीले पनि घरको भ-याङ्गमा झुण्डिएर आत्महत्या गरेका थिए । प्रहरीले सिसी टिभी फुटेज र घटनाको प्रकृति हेर्दा कार्कीको हत्यामा चौधरीकै संलग्नता रहेको स्पष्ट भएको जनाएको छ ।

विगत लामो समयदेखि कार्कीको घरमा घरेलु कामदारको रुपमा कार्यरत चौधरी र कार्की बीचको विवादको विषयमा अहिलेसम्म केही खुल्न सकेको छैन । पूर्वसचिव कार्की पशुपतिनाथको दर्शन गर्न गएका बेला कार्कीको घरमा सो घटना भएको बताइएको छ । घरमा रहेका कार्कीका एक छोरा सो समयमा स्कुल गएका थिए ।

उनकी दुई छोरी भने उच्च शिक्षा अध्ययनका लागि विदेशमा रहेका छन् । घटनाको विषयमा प्रहरीले सूक्ष्म ढंगले अनुसन्धान अघि बढाएको जनाएको छ ।