hi himalaya nepal

लकडाउनमा घर फर्केका २४ मजदुरको ट्रक दुर्घटनामा मृत्यु, १५ गम्भीर घाइते

Best Khabar Team | २०७७ जेठ ३ गते शनिबार


१६ मे, २०२०
नयाँदिल्ली । लकडाउनकै बीच घर फर्कन लागेका मजदुरहरु सबार ट्रक दुर्घटनमा पर्दा भारतको उत्तरप्रदेशमा २४ जनाको निधन भएको छ । सो दुर्घटनामा परी करिब ४० जना घाइते भएका छन् । झण्डै ६५ जना सवार सो ट्रकलाई उत्तरप्रदेशको औरैयामा विपरित दिशाबाट आएको अर्को मालबाहक ट्रकले ठक्कर दिएको भारतीय सञ्चारमाध्यमहरुले जनाएका छन् । स्थानीय प्रशासनकोसँग अनुनय विनय गरेपछि मजदुरहरुलाई ट्रकमा घर फर्कन अनुमित दिइएको थियो ।

गएराति भएको सो दुर्घटना नयाँदिल्लीबाट आएको मालबाहक ट्रकले ठक्कर दिएका थियो । दुर्घटनामा ज्यान गुमाउनेहरुमा भारतको झारखण्ड, बिहार र पश्चिम बंगालका मजदुहरु रहेका छन् । दुर्घटनास्थल लखनउबाट झण्डै २ सय किलोमिटर टाढा रहेको बताइएको छ । उत्तरप्रदेशमा काम गर्ने मजदुहरुलाई लिएर सो ट्रक गन्तव्यतर्फ अघि बढ्दै थियो । सो ट्रकलाई ठक्कर दिने अर्को ट्रकले निर्माण सामग्री बोकेको थियो ।

दुर्घटनाग्रस्त ट्रकमा सवार मध्ये १५ जना गम्भीर घाइते रहेको बिबिसीले उल्लेख गरेको छ । घटनाको बारेमा स्थानीय प्रशासनले अनुसन्धान अघि बढाएको छ । सो ट्रकलाई ठक्कर दिने मालबाहक ट्रकका चालकलाई नियन्त्रणमा लिएर बयान लिन शुरु गरिएको छ । स्मरणीय के छ भने केहीदिन अघि भारतमा रेलले किचेर १६ जना मजदुरको घटनास्थलमै ज्यान गएको थियो । कोरोना संक्रमणको कारण सिँगो देश लकडाउन गरिएपछि भारतमा लाखौं मजदुर विचल्लिमा परेका छन् ।



Comment from facebook



थप खबर पढ्नुहोस्
अमेरिकन आइडलमा उपविजेता बने नेपाली गायक दिवेश अमेरिकन आइडलमा उपविजेता बने नेपाली गायक दिवेश

२०७७ जेठ ५ गते सोमबार

१८ मे, २०२०काठमाडौं । अमेरिकामा जारी चर्चित सांगीतिक प्रस्तुती...

गुल्मीमा पहिरोबाट खसेको ढुंगाले च्यापेर एकै घरका ४ जनाको मृत्यु गुल्मीमा पहिरोबाट खसेको ढुंगाले च्यापेर एकै घरका ४ जनाको मृत्यु

२०७७ श्रावण १७ गते शनिबार

०१ अगस्ट, २०२०तम्घास, गुल्मी । पहिरोसँगै खसेको ढुंगाले च्यापेर...

नेपालले मे १५ सम्म सबै आन्तरिक तथा बाह्य उडानमा रोक लगायो नेपालले मे १५ सम्म सबै आन्तरिक तथा बाह्य उडानमा रोक लगायो

२०७७ बैशाख १३ गते शनिबार

२५ अप्रिल, २०२०काठमाडौं । सरकारले आगामी जेठ २ गते...

‘कोरोनाको खोप उपलब्ध नहुञ्जेल विद्यालय नखोल्न फिलिपिन्सका राष्ट्रपतिको निर्देशन ‘कोरोनाको खोप उपलब्ध नहुञ्जेल विद्यालय नखोल्न फिलिपिन्सका राष्ट्रपतिको निर्देशन

२०७७ जेठ १३ गते मंगलबार

२६ मे, २०२०मनिला । कोरोना भाइरसका संक्रमणका कारण करिब...

Top