दक्षिण कोरियासँगको सबै ‘सञ्चार सम्पर्क विच्छेद’ गरिएको उत्तर कोरियाको घोषणा !

Best Khabar Team | २०७७ जेठ २७ गते मंगलबार

०९ जुन, २०२०
सिओल, दक्षिण कोरिया । उत्तर कोरियाले छिमेकी मुलुक दक्षिण कोरियासँगको सबै सञ्चारसम्पर्क विच्छेद गरेको घोषणा गरेको छ । पछिल्लो समयमा दक्षिण कोरियाले आफूहरुलाई सत्रुको रुपमा व्यवहार गरेको भन्दै उत्तर कोरियाका सर्वोच्च कमान्डर किम जोङ्गको निर्देशनमा यस्तो घोषणा गरिएको अन्र्तराष्ट्रिय सञ्चारमाध्यमले जनाएका छन् ।

उत्तर कोरियाले सैन्य हटलाईनलगायत सबैखाले सैनिक सम्पर्क तथा अन्य साधारण सम्पर्क पनि आजदेखि लागू हुने गरी विच्छेद गरेको जनाएको छ । योसँगै अब उत्तर कोरियाले दक्षिण कोरियासँगको यसअघिको ‘डिटेन्ट’लाई उल्टाउने र शत्रुबत व्यवहार गर्ने स्पष्ट पारेको छ । पछिल्लो समयमा दक्षिणले उत्तरका बारेमा अनावश्यक अफवाह फैलाएको तथा आफूहरुलाई शत्रुबत व्यवहार गरेको उत्तरको आरोप छ ।

तर दक्षिणले भने यो विषयमा कुनै प्रतिक्रिया जनाइएसकेको छैन । उत्तरका सर्वोच्च नेता किम जोङ्ग केहीसाता अघि भूमिगत भएका बेला उनका बारेमा अनावश्यक हल्ला फैलाउन दक्षिणले भूमिका खेलेको भन्दै दक्षिणप्रति उत्तर रुष्ट बनेको हो ।

Comment from facebook