पक्रने तयारी गर्दैगर्दा एसएसपी राणाद्वारा ‘आत्मसमर्पण’

Best Khabar Team | २०७६ माघ १९ गते आइतबार

०२ फेब्रुअरी, २०२०
धरान । प्रहरी संगठनमै कार्यरत एक महिला कर्मचारीमाथि बलात्कारको आरोप खेपिरहेका एसएसपी शौरभ राणाले आज प्रहरी कार्यालयमा आत्मसमर्पण गरेका छन् । प्रदेश नम्बर १ मा पर्ने संघीय प्रहरी एकाई कार्यालय धरानमा कार्यरत राणाले आज जिल्ला प्रहरी कार्यालय सुनसरीमा पुगेर आत्मर्पण गरेका हुन् । उनले एक महिला प्रहरी कर्मचारीमाथि बलात्कार गरेको भन्दै घटनासँग संलग्न केही अडियो सामग्रीसमेत सार्वजनिक भएपछि प्रहरीले राणालाई पक्राउ गर्ने तयारी गरेको थियो ।

उनी विरुद्ध ३ दिनअघि जर्वजस्ती करणी गरेको भन्दै किटानी जाहेरी परेको थियो । प्रहरीले पक्राउ गर्ने तयारी गरेकै बेला राणा आज दिउँसो जिप्रका सुनसुरीमा पुगेर आत्मसमर्पण गरेका हुन् । यसअघि पीडित महिला प्रहरीले उनीविरुद्ध जाहेरी दिएपछि प्रहरीले उनलाई सेवाबाट निलम्बन गरी अनुसन्धान अघि बढाएको थियो ।

उनले एसपी हुँदादेखि नै एक महिलाको पटक–पटक यौन शोषण गरेको भनी गृह मन्त्रालय, प्रहरी प्रधान कार्यालयमा उजुरी परेपछि घटना बाहिर आएको थियो । स्मरणीय के छ भने राणा संघीय प्रहरी इकाई धरानमा प्रमुखका रुपमा कार्यरत थिए ।

Comment from facebook