दिल्लीमा दंगा : २४ ले गुमाए ज्यान, प्रदर्शन थप हिंसात्मक बन्दै

Best Khabar Team | २०२६ पुष १७ गते बिहिबार

२६ फेब्रुअरी, २०२०
नयाँदिल्ली । भारतको राजधानी नयाँ दिल्लीमा नयाँ नागरिकता कानुनलाई लिएर भएको दंगामा अहिलेसम्म २४* जनाले ज्यान गुमाईसकेका छन् । घटनामा परी अहिलेसम्म झण्डै २ सय जना घाइते भएका छन् । उनीहरुको दिल्लीका विभिन्न अस्पतालमा उपचार भैरहेको छ ।

प्रदर्शनकारीहरुले दिल्लीका दर्जनौं घर तथा अन्य भौतिक संरचनामा तोडफोड र आगजनी गरेका छन् । यस्तै सयौं सवारी साधनमा आगजनी गरेका छन् । संशोधित नागरिकता ऐनविरुद्ध विगतमा साना प्रदर्शन हुने गरेका भएपछि गएको आइतबारबाट प्रदर्शन तीव्र बन्दै ध्वंशात्मक बन्दै गएको छ । घटना यतिसम्म भयो कि यसले हिन्दु र मुस्लिमबीच भिडन्तको अवस्था सिर्जना भयो, जसका कारण हालसम्म एक सुरक्षाकर्मीसहित २४ जनाले ज्यान गुमाईसकेको भारतीय सञ्चारमाध्यमहरुले जनाएका छन् ।

शुरुमा दिल्लीको अल जामिया इस्लामिया क्याम्पस क्षेत्रबाट प्रदर्शन शुरुभएपछि अहिले यसले दिल्लीका विभिन्न भागमा उग्र रुप लिएको छ । स्थानीय प्रशासनले प्रदर्शन रोक्न विभिन्न प्रयास गरेपछि प्रदर्शन साम्य भएको छैन । पछिल्ला दिनमा प्रदर्शन अत्यन्तै हिंसात्मक बन्दै गएका छन्।

प्रदर्शनकारीहरुले स्थानीय वासिन्दाको घरमा आगो लगाउँदै हिँड्न थालेका छन् । जसका कारण स्थानीयहरु थप आतंकित बन्न पुगेका छन् ।

(*२४ हुनुपर्नेमा अन्यथा भएकोले सच्चाईको छ । –सम्पादक )