चीनको हेनान प्रान्तमा ६० वर्षयताकै भीषण वर्षात्, दर्जन बढीको ज्यान गयो, लाखौं विस्थापित

Best Khabar Team | २०७८ श्रावण ६ गते बुधबार


२१ जुलाई, २०२१
बेइजिङ्ग, चीन । पछिल्ला २४ घण्टादेखि दिनका विभिन्न राज्यमा भै रहेको भीषण बर्षापछि आएको बाढीमा परी हालसम्म १२ जनाको ज्यान गएको छ । चिनियाँ सञ्चारमाध्यमहरुले दिएको जानकारी अनुसार चीनका वर्षात् भएका अधिकांश शहरमा सडकहरु डुब्नुका साथै कतिपय स्थानमा हवाईसेवा समेत ठप्प भएको छ ।

विशेष गरी बाढीका कारण हेनान प्रान्तको राजधानीसहितका अधिकांश क्षेत्र निक्कै प्रभावित भएको छ । हेनान प्रान्तका विभिन्न ठाउँबाट प्रभावितहरुलाई उद्दार गरी सुरक्षित स्थानमा लैजान सुरक्षा अधिकारीहरुले पहल गरिरहेका छन् । हेनान् प्राप्तमा अहिले भएको यो भीषण वर्षात् र बाढी पछिल्लो ६ दशक यताकै सबैभन्दा ठूलो वर्षात् भएको चिनियाँ अधिकारीहरुले जनाएका छन् । हालसम्म २० हजार भन्दा बढीलाई विभिन्न राज्यबाट उद्दार गरिएको छ ।

बाढीका कारण अतिपय स्थानका राजमार्ग आसपासमा रहेका गाडीहरुसमेत बगाएको दृश्यहरु चिनियाँ टेलिभिजन तथा सामाजिक सञ्जालमा सार्वजनिक भएका छन् । हेनान प्राप्तको जङ्जो सहरमा २०१ दशमलव ९ मिलिमिटर प्रतिघण्टासम्म पानी परेको चिनियाँ सञ्चारमाध्यहरुले उल्ल्ेख गरेका छन् । स्मरणीय के छ भने भने यसअघि सन् १९७५ मा सो क्षेत्रमा १९८ दशमलव ५ मिलिमिटर पानी परेको तथ्यांक यहाँको मौसम विभागले गरेको छ । यसैबीच, चिनियाँ राष्ट्रपतिले बाढी प्रभावितहरुलाई तत्काल उद्दार गरी सुरक्षित स्थानमा लैजानका लागि तत्काल कार्य गर्न भनेका छन् । उनले मृतकका आफन्तलाई उचित राहतको व्यवस्था गर्न स्थानीय सरकारलाई निर्देशन दिएका छन् ।

नागरिकको ज्यान जोगाउनु राज्यको कर्तव्य भएको भन्दै राष्ट्रपति सी चिनफिङले सुरक्षा अधिकारीहरुलाई तत्काल बाढी प्रभावित क्षेत्रमा खटाउनका लागि अधिकारीहरुमाफतर्् निर्देशन समेत दिएका छन् । पछिल्लो समयमा इन्फा नामको आँधीका कारण चीनमा भीषण वर्षा भएको चिनियाँ मौसम विभागले जनाएकाले अझै केहीदिन वर्षात् र आँधीको सम्भावना रहेकोले आवश्यक सुरक्षा सावधानी अपनाउन यहाँको मौसम विभागले नागरिकहरुलाई आग्रह गरेको छ ।



Comment from facebook



थप खबर पढ्नुहोस्
निलकण्ठ शोकमा, आज सार्वजनिक विदा निलकण्ठ शोकमा, आज सार्वजनिक विदा

२०७६ माघ ८ गते बुधबार

२२ जनवरी, २०२० धादिङ्ग । धादिङ्गको प्रसिद्ध ढोला मण्डली...

‘नयाँ नक्सा’ सार्वजनिक, अब नेपालको कुल क्षेत्रफल १,४७,५१६ वर्ग किलोमिटर ‘नयाँ नक्सा’ सार्वजनिक, अब नेपालको कुल क्षेत्रफल १,४७,५१६ वर्ग किलोमिटर

२०७७ जेठ ७ गते बुधबार

२० मे, २०२०काठमाडौं । सरकारले विगतमा भारतले अतिक्रमित गरेको...

नेपालमा एकैदिन कोरोनाका थप ३ संक्रमित भेटिए, पहिलोपटक एकबाट अर्कोमा संक्रमण भएको पुष्टि नेपालमा एकैदिन कोरोनाका थप ३ संक्रमित भेटिए, पहिलोपटक एकबाट अर्कोमा संक्रमण भएको पुष्टि

२०७६ चैत्र २२ गते शनिबार

०४ मार्च, २०२० काठमाडौं । नेपालमा एकैदिन थप तीन...

नेपालमा कोरोना : हालसम्म ११ को मृत्यु, संक्रमितको संख्या ३ हजार नजिक नेपालमा कोरोना : हालसम्म ११ को मृत्यु, संक्रमितको संख्या ३ हजार नजिक

२०७७ जेठ २३ गते शुक्रबार

०५ जुन, २०२०काठमाडौं । नेपालमा कोरोनाका कारण मृत्यु हुनेको...

Top