७८ हजार बढी मास्कसहित काठमाडौंबाट ८ पक्राउ, महंगोमा बेच्ने योजना तुहियो

Best Khabar Team | २०२६ पुष १७ गते बिहिबार

१४ मार्च, २०२०
काठमाडौं । काठमाडौं उपत्यकालगायत देशभर सर्जिकल मास्कको चरम अभाव भै रहेको मौका छोपेर महंगो मुल्यमा मास्क बेच्ने योजनामा रहेका ८ जनालाई प्रहरीले काठमाडौं पक्रेको छ । महानगरीय प्रहरी परिसरले दिएका जानकारी अनुसार विशेष सूचनका आधारमा प्रहरीले काठमाडौंको डल्लुबाट मञ्जुश्री सप्लायर्सका मालिक काभ्रेका मिन्टु तामाङ्, रोशी ९ का मानकाजी लामा, गणेश तामाङ्ग, काठमाडौंको नागार्जुन नगरपालिका वडा नम्बर २ बस्ने अनिश कार्की, उज्ज्वल अधिकारी, बाजुराका थुमराज उपाध्याय र नृप कार्की, तथा रामेछापका शिव खड्का रहेका छन् ।

पक्राउ परेकाहरुको साथबाट प्रहरीले ७८ हजार २ सय ५० वटा सर्जिकल मास्क बरामद गरेको जनाएको छ । प्रहरीका अनुसार मञ्जुश्री सप्लायर्सका तामाङ्ग र मध्यथस्कर्ताबीच सो माक्स विभिन्न पसलमा पु-याउने र त्यसलाई प्रतिमाक्स ० का दरले बेच्ने गरी तयारी भै रहेको थियो । स्मरणीय के छ भने सो माक्सको बजार मुल्य बढीमा ३ देखि ४ रुपैया पर्दछ ।

पछिल्लो समयमा विश्वभर महामारीको रुपमा फैलिएको कोरोना भाइरसबाट बच्नका लागि चिकित्सकहरुले माक्स प्रयोग गर्न सुझाव दिएपछि पछिल्लो २ सातायाता काठमाडौंलगायत देशका विभिन्न स्थानमा सर्जिकल माक्सको चरम अभाव देखिएको छ । भेटिएका माक्सपनि ५० देखि १ सय रुपैयाँसम्ममा कालोबजारी गरी विक्री वितरण भै रहेको छ ।