बैशाख २५ सम्म लम्बियो ‘लकडाउन’

Best Khabar Team | २०७७ बैशाख १४ गते आइतबार

२६ अप्रिल, २०२०
काठमाडौं । सरकारले लकडाउनको समय पाँचौपटक थपेको छ । गत चैत्र ५ गतेदेखि शुरुभएको लकडाउनको समयावधि सकिन ३० घण्टाभन्दा कम समय बाँकी रहेका बेला आज पाँचौपटक थप गरी आगामी बैशाख २५ गतेसम्मका लागि कायम गरिएको हो । आज साँझ बसेको नेपाल सरकार मन्त्रीपरिषद्को बैठकले कोरोना भाइरस (कोभिड १९) को संक्रमण फैलन नदिनका लागि लकडाउनको समयावधि थप गर्ने निर्णय भएको जनाएको छ ।

यद्यपि लकडाउनका बेला पनि अत्यावश्यकीय सेवा प्रवाह गर्ने सवारी साधन तथा पसलहरु निश्चित मापदण्ड तोकेर सञ्चालन गर्न सकिने सरकारको भनाई छ । सरकारले लकडाउनकै कारण नेपालमा कोरोना संक्रमणले महामारीको रुप लिन नपाएको निष्कर्षसहित लकडाउन थप्ने निर्णय गरेको हो ।

आज मात्रै झापामा १ जना कोरोना संक्रमित थपिएको र भारतले पनि नाकाबन्दी तथा लकडाउन कायमै राखेका कारण नेपालले पनि लकडाउनको समयावधी लम्ब्याउने निर्णय गरेको सरकारी स्रोतको भनाई छ ।

Comment from facebook