Best Khabar Team | २०७८ जेठ २१ गते शुक्रबार

---

०६ अप्रिल, २०२१
काठमाडौं । छिमेकी मुलुक भारतमा कोरोनाको संक्रमणको दर बढ्दै गएपछि त्यसको असर नेपालमा पछि देखिन थालेको छ । पछिल्लो केहीदिनयता काठमाडौं उपत्यकालगायत देशका विभिन्न भागमा कोरोना परिक्षणको क्रममा संक्रमितको दर पनि बढ्न थालेको छ ।

विगत केहीदिनयता देशभर बढेको कोरोना संक्रमितको तथ्यांकलाई हेर्दा नेपालमा कोरोना संक्रमित बढ्न थालेको स्पष्ट भएको भन्दै स्वास्थ्य विशेषज्ञहरुले आवश्यकता सावधानी अपनाउन आग्रह गरेका छन् ।

यहि गतिमा कोरोना संक्रमितको संख्या बढ्न थालेपछि चिकित्सकहरुले आवश्यक सावधानी अपनाउन भन्दै आवश्यक परे पुनःलकडाउन गर्नका लागि सरकारलाई सुझाव दिएका छन् । पछिल्लो २४ घण्टामा देशभर थप २ सय ६० जनामा कोरोनाको संक्रमण देखिएको स्वास्थ्य मन्त्रालयले जनाएको छ । यस्तै, आइतबार देशभर १ सय ७६ जनामा कोरोना संक्रमण पुष्टि भएको थियो । विगत केही साता अघिसम्म देशभर कोरोना संक्रमितको संख्या एक सय भन्दा तल पुगेको थियो ।

पछिल्लो २४ घण्टामा देशभर कोरोनाबाट कसैको पनि मृत्यु भएको छैन । पछिल्लो २४ घण्टामा १ सय १३ जना कोरोना संक्रमण सङ्क्रमण मुक्त भएको मन्त्रालयले जानकारी दिएको छ । स्वास्थ्य मन्त्रालयले दिएको जानकारी अनुसार अहिलेसम्म देशभर २ लाख ७८ हजार ४ सय ७० जनामा कोभिड सङ्क्रमण पुष्टी भइसकेको छ। कोरोनाबाट हालसम्म देशभर ३ हजार ३६ जना संक्रमितले ज्यान गुमाईसकेका छन् ।

---

Comment from facebook