विवाहित महिलालाई लक्षित गरी सौन्दर्य प्रतियोगिता, तुलाधरले पहिरिइन् ताज

Best Khabar Team | २०७५ चैत्र ९ गते शनिबार

२३ अप्रिल, २०१९
काठमाडौं । विभिन्न उमेर र पेशालाई लक्षित गरी राजधानीमा सौन्दर्य प्रतियोगिता हुने गर्दछ । यसै क्रममा विवाहित महिलालाई लक्षित गरी सौन्दर्य प्रतियोगिता आयोजना गरिएको छ । विवाहित महिलाहरुलाई लक्षित हालै गरिएको मिसेस् टप अफ द वल्र्ड नामक अन्तर्राष्ट्रिय सौन्दर्य प्रतियोगिता गरिएकोमा अलिना तुलाधरले जितेकी छन् ।

मिसेस् टप अफ द वल्र्ड नेपाल २०१९ रुपमाका लागि नेपालको आधिकारिक संस्था ईप्लानेट प्रा.लि.ले गरेको कार्यक्रममा तुलाधरले ताज पहिरिएकी हुन् । अन्तर्राष्ट्रिय प्रतियोगिताका लागि नेपाली प्रतिनिधिको चयन, संयोजन प्रक्रिया र सम्पूर्ण व्यवस्थापन अनिला श्रेष्ठको अगुवाईमा ग्रीन आर्टस् मिडिया प्रा.लि.ले गरेको हो । मिसेस् टप अफ वल्र्ड २०१९ मा सहभागि हुनुपूर्व अलिनाले कोरियोग्राफर रोजिन शाक्यबाट अन्तर्राष्ट्रिय प्रतियोगिता सम्बन्धीत अभिमुखिकरण र प्रशिक्षण प्राप्त गर्नेछिन् ।

मिसेस् टप अफ द वल्र्ड २०१९ को अन्तर्राष्ट्रिय प्रतियोगिता लातभियाको रिगा शहरमा २०१९ मे २९ देखि जून २ तारिख सम्म सञ्चालन हुने बताईएको छ । स्नात्तकोत्तर अध्ययन पूरा गरेकी अलिना तुलाधर हाल सिभिल ग्रुपमा आबद्ध छिन् भने उनी व्युटिसियन पनि हुन् ।

मिसेस् टप अफ द वल्र्ड यस अघि रजनी थापाले वर्ष २०१५ को संस्करणमा नेपालको तर्फबाट सहभागिता जनाएकी थिइन् । जसमा उनले फोर्थ २०१५ रनर अप तथा मिसेस् डायमण्ड अफ द वल्र्डको अवार्ड जितेकी थिइन् ।