कर्णालीका थप दुई जिल्लामा देखियो कोरोना, संक्रमितको संख्या ५०७ पुग्यो

Best Khabar Team | २०७७ जेठ ९ गते शुक्रबार

२२ मे, २०२०
बाँके । नेपालको कर्णाली प्रदेशका थप २ जिल्लामा कोरोना संक्रमित फेला परेका छन् । स्वास्थ्य तथा जनसंख्या मन्त्रालयले आज पत्रकार सम्मेलन गरी बैतडी र डडेलधुरामा पनि कोरोना संक्रमित भेटिएको जानकारी दिएको छ । मन्त्रालयका अनुसार डडेलधुराका १ जना, बैतडीका १ जना, बाँकेका १४ जना र कैलाली जिल्लाका ३ जनामा कोरोना संक्रमण पुष्टि भएको हो । मन्त्रालयले मोरङमा पनि थप १ जनामा पनि कोरोना संक्रमण पुष्टि भएको जनाएको छ ।

संक्रमित सबै पुरुष रहेको र उनीहरु १९ देखि २८ वर्ष उमेर समूहका रहेका छन् । मन्त्रालयका अनुसार डडेलधुराको परशुराम गाउँपालिका वडा नम्बर १० का एक युवक र बैतडीका शिवनाथ गाउँपालिकाका एक युवकमा कोरोना संक्रमण देखिएको हो । बाँकेको राप्ती सोनारीका युवक तथा मोरङ्को रतुवामाईका अर्का एक युवकमा पनि कोरोना संक्रमण पुष्टि भएको छ ।

नेपालको कर्णाली प्रदेशको जिल्लमा यसअघि दैलेखको आठबिसकोटमा एकजनामा कोरोना देखिएको भएपनि डडेलधुरा र बैतडीमा भने पहिलो पटक कोरोना संक्रमण देखिएको हो । संक्रमित सबैको अवस्था सामान्य रहेको र उनीहरु चिकित्सकको निगरानीमा रहेको मन्त्रालयले जनाएको छ ।