मुग्लिन–नारायणगढ सडकखण्डका १९ वटा पुल निर्माण अन्तिम चरणमा, दिउँसो बाटो बन्द नगरिने

Best Khabar Team | २०७९ फाल्गुन २१ गते आइतबार

०५ मार्च, २०२३
भरतपुर, चितवन । मुग्लिन नारायणगढ सडकखण्डका विभिन्न ठाउँमा निर्माणाधिन पुलको काम अन्तिम चरणमा पुगेको छ । यो सँगै विगत २ महिना देखि दिउँसोको समयमा बन्द हुँदै आएको सो सडकखण्ड आजबाट नियमित रुपमा सञ्चालनमा आउन शुरुभएको छ ।

**फाइल तस्वीर : मुग्लिन नारायणगढ सडक खण्ड**

पुल फराकिलो बनाउने भन्दै गएको पुस ४ गतेदेखि यो सडकखण्ड दिउँसो ४ घण्टा बन्द गरिँदै आएकोमा आजबाट दिउँसोको समयमा सडक बन्द नहुने नागढुंगा–मुग्लिन सडक आयोजनाले जनाएको छ । आयोजनाका अनुसार स्थानीय तुइन खोलाको मुग्लिनतर्फको पहाडबाहेक अरु क्षेत्रको सडक पराकिलो बनाउने काम अन्तिम चरणमा पुगेको छ । यस्तै एउटा पुलमा सुकुम्बासी बस्तीका कारण विस्तारमा समस्या देखिएको छ ।

अब सडक नै बन्द गराएर काम अघि बढाउनुपर्ने आबश्यकता नरहेपछि सडक सुचारु गर्न शुरुभएको आयोजनाको भनाई छ । आयोजना अन्तर्गत तुईन खोलाको भित्तोमा रहेको चट्टानलाई विस्फोट गराएर सो क्षेत्रमा सडक फराकिलो पारिएको थियो । ६० मिटर अग्लो कडा चट्टान भएको सो पहाडलाई फुटाउने भन्दै सो सडक खण्ड पुसको पहिलो सातादेखि बन्द गरिँदै आएको थियो । यो चट्टानपनि ७० प्रतिशत फुटाउने काम सम्पन्न भै सकेको छ । सो सडक खण्डमा रहेका साना ठूला गरी २० वटा पुललाई विस्तार गरिएको छ ।

यद्यपि सुकुम्बासी बस्ती अतिक्रमण गर्नुपर्ने भएका कारण यो परियोजना अन्र्तगतको एउटा पुल फराकिलो बनाउने काम भने शुरु गर्न सकिएको छैन । विश्वबैंकको सहयोगमा यो सडक खण्डको पुल विस्तारको काम अघि बढेको हो ।