पोर्चुगलमा बिहीबार एकैदिन ३५ जना कोरोना संक्रमित थपिए, सोमबारबाट सबै शैक्षिक संस्था बन्द हुँदै, देशव्यापी रुपमा ‘हाइ एलर्ट’ जारी गरियो

Best Khabar Team | २०२६ पुष १७ गते बिहिबार

१३ मार्च, २०२०
पोर्तिमाउ । युरोपेली मुलुक पोर्चुगलमा पछिल्लो २ सातायता कोरोना भाइरसका संक्रमितको संख्या ह्वात्तै बढेको छ । बिहीबारमात्रै थप ३५ जनामा कोरोनाको संक्रमण देखिएको छ । कोरोना संक्रमितको संख्या बढ्दै गएपछि सरकारले आज देशव्यपी रुपमा ‘एलर्ट’ जारी गरेको छ ।

पोर्चुगलको उत्तरी भूभागमा पर्ने पोर्तो शहरमा सबैभन्दा बढी संक्रमित देखिएका छन् भने राजधानी लिस्बन दक्षिणी क्षेत्रमा पर्ने लल्गार्भमा समेत कोरोना संक्रमित बढ्दै गएका छन् । संक्रमणबाट जागाउन सरकारले आगामी सोमबार देखि देशका सबै स्कुल र विश्वविद्यालयहरु बन्दे गर्ने घोषणा गरेको छ । पोर्चुगलमा हालसम्म १ सय १२ जनामा कोरोनाको संक्रमण देखिइसकेको छ ।

स्मरणीय के छ भने यहाँका राष्ट्रपति मार्सेलो विगत एकसातादेखि घरमै क्वारेन्टाईनमा छन् । कोरोनाको संक्रमण बढ्दै गएपछि यहाँका पर्यटकीय शहरहरुमा पर्यटकको संख्या ह्वात्तै घटेको छ भने होटल तथा रेस्टुरेन्टहरुको व्यापार पनि घटेको छ । जसका कारण हजारौं कामदार मर्कामा पर्ने देखिएका छन् ।