यार्सागुम्बा संकलनमा गएकी एक महिला र बालिकामाथि आक्रमण, २ को अवस्था गम्भीर

Best Khabar Team | २०२६ पुष १७ गते बिहिबार

१६ जुन, २०१९
काठमाडौं । बहुमूल्य हिमाली ‘भियग्रा’ को नामले समेत परिचित यार्चागुम्बा संकलनको लागि रुकुमको मैकोट पुगेका २ जनामाथि अज्ञात समूहले आक्रमण गरेको छ । जिल्ला प्रहरी कार्यालय मुसिकोटका अनुसार दुई दिन अघि यार्चा संकलन गरेर घर फर्कने क्रममा स्थानीय दुई महिलामाथि अज्ञात समूहले गम्भीर आक्रमण गरेको थियो ।

जिल्लाको पुथा उत्तरगंगा गाउँपालिका वडा नम्बर १ की ३८ वर्षकी जुनकुमारी पुन र उनकी १४ वर्षीया छोरी रश्मी पुनमाथि आक्रमण भएको थियो । उहाँहरुमाथि आक्रमण गरी साथमा रहेको पैसा, गरगहना लुटिएको थियो ।

उहाँहरुको शरीरमा धारिलो हतियारले आक्रमण गरेका कारण चोटैचोट रहेको छ । घाइते दुबैजनालाई उपचारका लागि हेलिकोप्टरबाट काठमाडौं ल्याइएको छ । आक्रमणकारीहरुको खोजी भै रहेको प्रहरीको छ ।