प्रचण्ड पत्नी सिता दाहाललाई थप उपचारका लागि हरिद्वार लगियो (फोटोफिचरसहित)

Best Khabar Team | २०७६ पुष ४ गते शुक्रबार

२० डिसेम्बर, २०१९
नयाँदिल्ली । पार्किन्सन्स रोगबाट पीति नेकपाका अध्यक्ष पुष्पकमल दाहाल प्रचण्डकी पत्नी सिता दाहाललाई थप उपचारका लागि भारत पु-याइएको छ । छोरी गंगा दाहाल तथा नेकपाका नेता मातृका यादवसहितको टोलीले सितालाई उपचारका लागि भारतको हरिद्वारस्थित योगगुरु रामदेवको आश्रममा पु-याएको हो । आफ्नी आमालाई उपचारका लागि भारतको हरिद्वारस्थित रामदेव आश्रम पु-याइएको भन्दै छोरी गंगाले सामाजिक सञ्जालमा तस्वीरहरु सार्वजनिक गरेकी छन् ।

केही फोटो योगगुरु रामदेव, आचार्य बालकृष्णलगायतसँग बसेर खिचेको देख्न सकिन्छ । विगत लामो समयदेखि पार्किन्सन्स रोगबाट ग्रस्त सितालाई यसअघि देश बाहिर अमेरिका, सिंगापुरलगायतका स्थानमा पु-याइएको थियो । देशभित्रै पनि विभिन्न ठाउँमा लगेर सितालाई उपचार गराईको भएपनि उनको अवस्था दिन थप कमजोर बनेपछि भारत लगिएको हो ।

हामीले यहाँ सार्वजनिक गरेका केही तस्वीरहरु प्रचण्डकी छोरी गंगा दाहालको फेसबुकबाट साभार गरेका हौं ।