hi himalaya nepal

अबैध आप्रबासी लिएर इटली जाँदै गरेको पानीजहाज ट्युनिसियामा दुर्घटना, ४६ को मृत्यु, मृतक अधिकांश महिला

Best Khabar Team | २०७७ जेठ २९ गते बिहिबार


११ जुन, २०२०
टुनिस, ट्युनिसिया । अफ्रिकी मुलुक ट्युनिसियाबाट अबैध रुपमा इटली जान लागेका आप्रबासीहरु सवार एउटा पानीजहाज समुद्रमा दुर्घटनामा परेको छ । एक साताअघिको दुर्घटनामा हालसम्म ४६ जनाको शव फेला परेको छ । युरोप छिर्ने उद्देश्यले ट्युनिसियाबाट इटलीका लागि छुटेको सो पानीजहाज ट्युनिसियाकै समुद्री भूभागमा दुर्घटनामा परेको अधिकारीहरुले बताएका छन् ।

इटली र ट्युनिसियाबीचको समुद्री भूभाग । यही आसपासमा पानीजहाज दुर्घटनामा परेको अधिकारीहरुको भनाई छ । तस्वीर साभार : गुगल ।

ट्युनिसको सफाक्स शहरबाट इटलीका लागि अबैध आप्रबासी लिएर अघि बढेको सो पानीजहाज दुर्घटनाको कारण खुल्न सकेको छैन । स्थानीय केर्कनाह टापु नजिकै पानीजहाज दुर्घटनामा परेको थियो । समुद्रमा माछा मार्न गएका माझीहरुले शव देखेपछि स्थानीय प्रहरी अधिकारीलाई खबर गरेपछि घटना बाहिर आएको थियो । गएको मंलबार घटनास्थल भएको ठाउँ वरपरबाट २२ जना महिलाको शव बरामद गरेको प्रहरीले जनाएको छ । जसमा केही गर्भवती महिलासमेत रहेको बुझिएको छ । यस्तै थप २४ जनाको शव आज भेटिएको यहाँका सञ्चारमाध्यमहरुले उल्लेख गरेका छन् ।

यस्तै कतिपय बालबाललिकाले पनि सो दुर्घटनामा ज्यान गुमाएका छन् । अन्र्तराष्ट्रिय सञ्चारमाध्यमहरुका अनुसार दुर्घटनाको बारेमा ट्युनिसियाका सरकारी अधिकारीहरुले छानबिन अघि बढाएका छन् । सो दुर्घटनामा परेकाहरुको विस्तृत विवरण खुल्न नसकेको बताइएको छ । समुद्रको बीचमा पानीजहाज दुर्घटनामा परेकोले मृतकको शव संकलन तथा उद्दारमा कठिनाई भएको सुरक्षाकर्मीहरुले बताएका छन् ।

मृतक बालबालिका कम्तीमा ५ वर्षभन्दा कम उमेर समूहको रहेका छन् । सो पानी जहाजमा ट्युनिसियालगायत नाइजर, अल्जेरिया, लिबियालगायतका अफ्रिकी मुलुकका आप्रबासीहरु रहेको अनुमान गरिएको छ ।



Comment from facebook



थप खबर पढ्नुहोस्
प्रधानमन्त्री ओली शिक्षण अस्पताल भर्ना, बुधबार दोश्रो पटक मृगौला  प्रत्यारोपण हुँदै प्रधानमन्त्री ओली शिक्षण अस्पताल भर्ना, बुधबार दोश्रो पटक मृगौला प्रत्यारोपण हुँदै

२०७६ फाल्गुन १९ गते सोमबार

०२ मार्च, २०२० काठमाडौं । प्रधानमन्त्री केपी शर्मा ओलीको...

‘नोभाभ्याक्स’ भ्याक्सिन कोरोना विरुद्ध ८९ प्रतिशतभन्दा बढी प्रभावकारी : विज्ञ ‘नोभाभ्याक्स’ भ्याक्सिन कोरोना विरुद्ध ८९ प्रतिशतभन्दा बढी प्रभावकारी : विज्ञ

२०७७ माघ १६ गते शुक्रबार

२९ जनवरी, २०२१मेरिल्याण्ड, अमेरिका ।कोरोना भाइरस विरुद्ध निर्माण गरिएको...

भारत बन्यो विश्वको तेश्रो कोरोना प्रभावित मुलुक, एकैदिन भेटिए करिब २४ हजार संक्रमित भारत बन्यो विश्वको तेश्रो कोरोना प्रभावित मुलुक, एकैदिन भेटिए करिब २४ हजार संक्रमित

२०७७ असार २१ गते आइतबार

०५ जुलाई, २०२०नयाँ दिल्ली । विश्वमा सबैभन्दा बढी कोरोना...

साामजिक सुरक्षा योजनाको विरोधमा बैंक तथा वित्तीय संस्थाका कर्मचारीद्वारा आन्दोलनको चेतवानी साामजिक सुरक्षा योजनाको विरोधमा बैंक तथा वित्तीय संस्थाका कर्मचारीद्वारा आन्दोलनको चेतवानी

२०७६ पुष १५ गते मंगलबार

३१ डिसेम्बर, २०१९ काठमाडौं । नेपाल राष्ट्र बैंकले योगदानमा...

Top