देशैभरका छाउगोठ भत्काउन गृहमन्त्रालयको निर्देशन

Best Khabar Team | २०७६ पुष ९ गते बुधबार

२५ डिसेम्बर, २०१९
काठमाडौं । गृहमन्त्रालयले देशभरका सबै छाउगोठ भत्काउन सम्बन्धित प्रमुख जिल्ला अधिकारीहरुलाई निर्देशन दिएको छ । विशेषगरी सुदरपश्चिमका जिल्लाहरुमा रहेका छाउगोठमा महिनावारी भएका बेला बस्न बाध्य पारिएकै कारण वर्षेनी दजनौं महिलाहरुले ज्यान गुमाउनु परेको भन्दै मन्त्रालयले अविलम्ब रुपमा तत्काल छाउगोठ हटाउन निर्देशन दिएको हो ।

सरकाले छाउपडी प्रथा उन्मुलनका लागि विशेष अभियान शुरु गरेको भन्दै मन्त्रालयले कर्णाली प्रदेश र सुदुरुपश्चिमका अछाम, दार्चुला, डोल्पा, दैलेख, जाजरकोट मुगु, जुम्लालगायतका जिल्लामा रहेका छाउगोठ हटाउन भनेको हो । छाउ गोठ हटाउनका लागि गृह मन्त्रालयले प्रमुख जिल्ला अधिकारीको संयोजकत्वमा सरकारी कार्यालयका प्रमुख र जिल्ला प्रहरी प्रमुख रहेको विशेष संयन्त्र बनाउने निर्णय समेत गरेको छ ।

सो निर्णय अनुसार तत्का संयन्त्र बनाउने काम अघि बढाउन सम्बन्धित जिल्ला प्रमुख र सरोकारवालाहरुलाई निर्देशन समेत दिएको छ । मन्त्रालयले छाउपडी प्रथालाई निरन्तरता दिनेमाथि कारबाही गर्न सरकारी तवरबाट प्राप्त हुने सेवा सुविधा रोक्न निर्देशन दिँदै छाउगोठलाई समुदाय, स्थानीय तह र प्रहरी सहकार्यमा भत्काउन भनेको छ ।

Comment from facebook