धादिङ्गे गायक पारसको ‘जन्मदिनको शुभकामना’ बजारमा

Best Khabar Team | २०७६ माघ २० गते सोमबार

०३ फेब्रुअरी, २०२०
काठमाडौं । धादिङ् जिल्लाको त्रिपुरासुन्दरी गाउँपालिकास्थित मुलपानीमा जन्मिएर सांगीतिक क्षेत्रमा लागेका गायक एवं संगीतकार पारस थापा क्षेत्रीको ‘जन्मदिनको शुभकामना’ नामक सांगीतिक प्रस्तुती बजारमा आएको छ ।

गायिका पूर्णिमा लामा र थापा स्वयंको स्वर रहेको यो एल्मबमा आधुनिक गीतहरुको संग्रह रहेको छ । संग्रहमा रहेका मध्ये ‘जन्मदिनको शुभकामना’ शीर्षकको गीतको भिडियो निक्कै आकर्षक देखिन्छ । गीतको रचना र संगीत पारसले नै गरेका हुन् भने एरेन्जर यम थापा मगर हुन् । सो भिडियोको निर्देशन देवेन्द्र कुँवर र र निर्माण सरस्वती थापा क्षेत्रीले गरेकी हुन् । गीतमा वालकलाकार प्रियांशु थापा क्षेत्री र रिजन रायमाझीको अभिनयले सबैलाई मन्त्रमुग्ध बनाउँछ ।

यसका अलावा गायक थापा र प्रतिमा गैरेको अभियय पनि उत्कृष्ट देखिन्छ । ‘थ्रिपियस मिडिया नेटवर्क’को प्रस्तुती रहेको सो गीतको म्युजिक भिडियो राजधानी फिलिम्स् प्रालिमार्फत् युट्वमा सार्वजनिक छ । बैदेशिक रोजगारीमा जानुपर्दाको पिडा र यसले परिवारमा ल्याउने विचलनलाई सर्जक थापाले यसअघि पनि सांगीतिक प्रस्तुतीमार्फत् उजागर गरिसकेका छन् ।

पछिल्लो समयमा नेपालको सांगीतिक क्षेत्रमा स्थापित गायक, संगीतकार तथा रचनाकार तीनै विधामा आफूलाई सफल कलाकारको रुपमा स्थापित गराउन थापा सफल बनेका छन् । गीतको म्युजिक भिडियो हेर्न तलको लिंकमा क्लिक गर्नुहोला ।

Comment from facebook