ललितपुर दुर्घटना : एक पत्रकार र एक कलाकारको ज्यान गयो

Best Khabar Team | २०७५ माघ २३ गते बुधबार

०२ जुन, २०१९
काठमाडौं । उपत्यकाको ललितपुरमा आज भएको सडक दुर्घटनामा २ जनाको ज्यान गएको छ । ज्यान गुमाउनेमा एक पत्रकार तथा एक कलकार रहेका छन् । ललितपुरको धोवीघाटमा तीनवटा सवारीसाधन एक आपसमा ठोक्किँदा दुईजनाको ज्यान गएको हो । प्रहरीले दिएको जानकारी अनुसार बा १६ च ४७४३ स्कोरपियो गाडीले बा ११ च ८९४९ बोलेरो गाडी, बा १२ च ५७७६ नम्बरको महेन्द्रा पिकअप भ्यान र बा ४३ प ९८६३ नम्बरको पल्सर मोटरसाइकललाई ठक्कर दिएको थियो ।

दुर्घटनामा परी ललितपुर गोदावरीका गोविन्द शर्मा र नुवाकोटका चन्द्रमणि मुडवरीको ज्यान गएको हो । दुर्घटनामा गम्भीर घाइते उनीहरुको उपचारको लागि नर्भिक अस्पताल लैजाने क्रममा बाटैमा ज्यान गएको पुष्टि अस्पतालले गरेको हो । दुर्घटनामा परी ज्यान गुमाउने पत्रकार शर्मा काठमाडौंमा विभिन्न सञ्चारमाध्यमसँग आबद्ध रहनुभएका थियो ।

उहाँ कृषि पत्रकार प्रतिष्ठान जोनाका अध्यक्ष समेत रहनुभएको थियो । यस्तै मुडवरीले पनि कलाकारिता क्षेत्रमा काम गर्दै आउनुभएको थियो । सुरुमा २ वटा जीप ठोक्किएको र त्यसपछि थप अर्को एउटा जीप र मोटरसाइकल ठोक्किँदा दुर्घटना भएको प्रहरीले जनाएको छ ।
ठक्कर दिने सवारी चालकलाई नियन्त्रणमा लिएर घटनाको विषयमा जानकारी लिने काम भै रहेको प्रहरीले जानकारी दिएको छ ।