चौतर्फी जनदवाव थेग्न नसकेपछि सरकारले फिर्ता लियो गुठी विधेयक

Best Khabar Team | २०२६ पुष १७ गते बिहिबार


१८ जुन,२०१९
काठमाडौं । अन्ततः चौतर्फी रुपमा देखिएको जनताको दबाब थेग्न नसकेपछि सरकारले गुठी विधेयक फिर्ता लिएको घोषणा गरेको छ । सरकारले करिब १ महिना अघि जारी गरेको गुठी विधेयकका विषयमा काठमाडौं उपत्यकालगायत देशव्यापी रुपमा आन्दोलन चर्किन थालेपछि सरकारले विधेयक फिर्ता लिएको घोषणा गरेको हो ।

भूमि व्यवस्था, सहकारी तथा गरिबी निवारण मन्त्रालयले आज पत्रकार सम्मेलन गरी विधेयकका विषयलाई लिएर आम नागरिकमा विभिन्न खाले भ्रम देखिएको भन्दै विधेयक फिर्ताको घोषणा गरेको गरेको हो । मन्त्रालयमा आज गरिएको पत्रकार सम्मेलनमा मन्त्री पद्माकुमारी अर्याल विधेयकका विषयमा देशव्यापी रुपमा आन्दोलन भै रहेको र यसलाई गलत ढंगले व्याख्या गरिएको यसका कारण आम जनतालाई उत्तेजित पार्ने र वातावरणलाई विथोल्ने कोसिस भएकोले फिर्ता लिएको बताउनुभयो ।

पछिल्लो समयमा विधेयकको विषयमा काठमाडौं उपत्यकाका नेवार समुदायलगायत देशव्यापी रुपमा गुठीयारहरुले आन्दोलन चर्काउन थालेपछि सरकारले यसको समाधानका लागि भन्दै सरोकारवालाहरुसँग वालुवाटारस्थित प्रधानमन्त्री निवासमा छलफल समेत गरेको थियो । तर सरोकारवालाहरुले गुठी विधेयक लागू गरिए यसले देशमा ठूलो आन्दोलन हुनसक्ने चेतावनी दिएपछि सरकार बाध्य भएर झुकेको हो ।

पछिल्लो समयमा सरकारको विधेयक घोषणापछि देशव्यापी रुपमा गुठीयाहरुले धर्म संस्कृति परम्परा, सम्पदा नास हुने भन्दै दैनिक रुपमा आन्दोलन गर्दै आइरहेका थिए । सत्तारुढ दलकै मन्त्री, नेता तथा सरोकारवालाहरुले पनि सरकारलाई यो विधेयक फिर्ता लिन आग्रह गरेका थिए ।

संविधानको धारा २९० अनुसार गुठीको मूलभूत मान्यता अनुरुप राजगुठी, सार्वजनिक गुठी र निजी गुठीलाई व्यवस्थित गर्न भन्दै विधेयक ल्याएको भएपनि यो विधेयक सरकारले आजबाट फिर्ता भएको घोषणा लिएको छ । तर सरोकारवालाहरुले भने यो विधेयक फिर्ता नभै खारेज हुनुपर्ने माग राखेको छन् ।



Comment from facebook



थप खबर पढ्नुहोस्
औषधी व्यवसायीको मृत्यु प्रकरण : लकडाउनमा प्रेमिसँग मिलेर श्रीमानको हत्या औषधी व्यवसायीको मृत्यु प्रकरण : लकडाउनमा प्रेमिसँग मिलेर श्रीमानको हत्या

२०२६ पुष १७ गते बिहिबार

१८ मे, २०२०विराटनगर । मोरङ्गको बिराटनगरमा आइतबार भएको एकजना...

काठमाडौंमा मात्रै ३५७ सहित देशभर थप १ हजार २२८ मा कोरोना संक्रमण काठमाडौंमा मात्रै ३५७ सहित देशभर थप १ हजार २२८ मा कोरोना संक्रमण

२०७६ फाल्गुन २६ गते सोमबार

०३ सेप्टेम्बर, २०२०काठमाडौं । काठमाडौं उपत्यकामा पछिल्लो २४ घण्टामा...

मलद्वारमा सुन लुकाएर काठमाडौं विमानस्थल ओर्लिएलगत्तै पक्राउ परे हरिराम मलद्वारमा सुन लुकाएर काठमाडौं विमानस्थल ओर्लिएलगत्तै पक्राउ परे हरिराम

२०२६ पुष १७ गते बिहिबार

३१ डिसेम्बर, २०१९ काठमाडौं । काठमाडौंको त्रिभवुन अन्र्तराष्ट्रिय विमानस्थलबाट...

दशैंको फूलपातीकै दिन मुगुमा भयानक दुर्घटना : ३२ को मृत्यु केही घाइते (अपडेट) दशैंको फूलपातीकै दिन मुगुमा भयानक दुर्घटना : ३२ को मृत्यु केही घाइते (अपडेट)

२०७८ मंशिर २४ गते शुक्रबार

१२ अक्टोबर, २०२१गमगढी, मुगु । बाँकेको नेपालगञ्जबाट मुगुको गमगढी...

Top