बालुवाटार जग्गा प्रकरण : पूर्व प्रधानमन्त्री माधव नेपाल र पूर्व मुख्यसचिव पौडेलसँग पनि सोधपुछ

Best Khabar Team | २०२६ पुष १७ गते बिहिबार

२२ डिसेम्बर, २०१९
काठमाडौं । प्रधानमन्त्रीको सरकारी निवाससँगै जोडिएको सरकारी जग्गा व्यक्तिको नाममा दर्ता गरेको प्रकरणमा पूर्वप्रधानमन्त्री माधव नेपाल पनि छानबिनको दायरामा परेको आजको कान्तिपुर समाचारमा उल्लेख छ । ललिता निवासको जग्गा प्रकरणमा अख्तियारका अधिकारीले पूर्वप्रधानमन्त्री नेपालसँग सोधपुछ गरेको समाचारमा जनाइएको छ ।

तत्कालीन प्रधानमन्त्री माधवकुमार नेपाल प्रधानमन्त्री बनेका बेला मन्त्रीपरिषद्ले निर्णय गरी सो जग्गा व्यक्तिको नाममा गरिएको भेटिएपछि अख्तियारले अत्यन्तै गोप्य तवरबाट अख्तियारले पूर्वप्रधानमन्त्री नेपालसँग बयान लिएको हो । अख्तियारले पूर्व प्रमुख प्रमुख दिप बस्यातस्वयंसँग बयान लिने क्रममा तत्कालीन प्रधानमन्त्री नेपाल र गृहमन्त्री माधव घिमिरेको निर्देशन अनुसार आफूले प्रक्रिया अघि बढाएको बताएपछि पूर्वप्रधानमन्त्री नेपालसँग सोधपुछ अघि बढाएको हो ।

तत्कालीन मूख्यसचिव माधव घिमिरे भने सडक दुर्घटनामा परी अहिलेसम्म हराईरहेकाले यो विषय टुंगिएपछि छानबिन नेपालतर्फ मोडिएको अख्तियार स्रोतको भनाई छ । अख्तियार स्रोतले पूर्वप्रम नेपालसँग लिखित जवाफ मागिएको हो । छानबिनका क्रममा पूर्व मुख्यसचिव एवं चीनका लागि नेपाली राजदूत लीलामणि पौड्यालसँग सोधपुछ गरिएको अख्तियारका स्रोतको भनाई छ । पौडेलसँग नेपाल प्रहरीको सिआईबी टोलीले सोधपुछ गरेको थियो ।

स्रोतका अनुसार पूर्वप्रधानमन्त्री नेपालले भने आफूसँग कसैले जवाफ नमागेको भन्दै यो प्रकरणमा आफू निर्दोष रहेको बताउँदै आउनुभएको छ ।