बलात्कारको अभियोगमा प्रदेश सांसद रावल पक्राउ

Best Khabar Team | २०७६ चैत्र २१ गते शुक्रबार

०४ मार्च, २०२०
धनगढी । नेपाल कम्युनिष्ट पार्टीका प्रदेश सांसद अक्कल रावल बलात्कारको अभियोगमा पक्राउ परेका छन् । सांसद रावलले आफूमाथि बलात्कार गरेको भन्दै एक महिलाले दिएको उजुरीको आधारमा उनलाई प्रहरीले पक्राउ गरेको हो । ती महिलाले आज जिल्ला प्रहरी कार्यालय कैलालीमा जाहेरी दिएकी थिइन् । प्रहरीले आफ्नै कार्यालयमा आत्मसमर्पण गर्न आइपुगेका सांसद रावललाई नियन्त्रणमा लिएर अनुसन्धान अघि बढाएको छ । रावल अछामबाट निर्वाचित प्रदेश सांसद हुन् । प्रहरीमा ती महिलाले फागुन १४ गते जाहेरी दिएलगत्तै प्रहरीले रावलमाथि पक्राउ पूर्जी जारी गरेको थियो । प्रहरीले पक्राउ पुर्जी जारी गरेपछि उनले आज प्रहरी कार्यालयमा आत्मसमर्पण गरेका थिए । उनी तत्कालीन नेकपाका तर्फबाट विजयी सांसद हुन् । रावललाई प्रहरीले हिरासतमा राखेर अनुसन्धान अघि बढाइएको भन्दै भोलि अदालतबाट म्याद थप गरी अभियोगको बारेमा थप अनुसन्धान गर्ने जनाएको छ । माओवादीको सशस्त्र युद्धका बेला रावल सुदुरपश्चिममा सक्रिय रुपमा सहभागि थिए ।

Comment from facebook