एक सन्काहा थाई सैनिक : जसले लिए एकैदिन २० को ज्यान

Best Khabar Team | २०७६ माघ २५ गते शनिबार

०८ फेब्रुअरी, २०२०
बैंकक । थाइल्याण्डको राजधानी बैंककबाट उत्तरपूर्वमा पर्ने मामक स्थानमा एकजना सन्काहा सैनिकले गएराति एउटा स्वचालित हतियारबाट अन्दाधून्द गोली चलाउँदा २० जनाको ज्यान गएको छ । घटनामा परी शुरुमा १७ जनाको ज्यान गएको बताइएपछि पछि थप ३ जनाको पनि ज्यान गएपछि मृतकको संख्या २० पुगेको हो ।

थाइल्याण्डका सञ्चारमाध्यमहरुले दिएको जानकारी अनुसार सैनिक शिविरबाट स्वचालित हतियार बोकेर बाहिर निस्केका सैनिक जवानले शहरमा रहेको व्यापारिक केन्द्र र त्यहाँका पसल र मान्छेहरुको भीड देख्ने वित्तिकै गोली हान्दै हिँडेका थिए । घटनालगत्तै उनले घटनाको बारेमा सेल्फी तस्वीर खिचेर सार्वजनिक समेत गरेका थिए । घटनामा अन्य थुप्रै घाइते भएका छन् । घाइतेहरुको स्थानीय अस्पतालमा उपचार भै रहेको छ ।

थाइ भाषामा ‘जाग्रापान्थ’ नाम गरेका ती सैनिकको मानसिक अवस्था ठीक नरहेको बताइएको छ । घटनास्थल थाइल्याण्डको राजधानी बैंककबाट २५० किलोमिटर उत्तरपूर्वमा अवस्थित रहेको बताइएको छ ।

थप समाचार तथा भिडियो तलको लिंकबाट हेर्न सक्नुहुनेछ । https://www.nbcnews.com/news/world/thai-soldier-kills-least-10-shooting-rampage-police-say-n1132966