Best Khabar Team | २०७७ श्रावण १८ गते आइतबार
०२ अगस्ट, २०२०
नयाँ दिल्ली । छिमेकी मुलुक नेपालसँग सिमाना जोडिएको भारतको उत्तर प्रदेशकी एकजना बहालवाला मन्त्रीको कोरोना भाइरसको संक्रमणबाट ज्यान गएको छ । भारतको उत्तर प्रदेशकी प्रविधि एवं शिक्षामन्त्री कमला रानी बरुणाको कोरोना संक्रमणबाट परी ज्यान गएको हो । उनको लखनउस्थित एक अस्पतालमा उपचारका क्रममा आज बिहान मृत्यु भएको अस्पताल स्रोतले जानकारी दिएको छ ।

करिब ३ साता अघि कोरोना संक्रमणमा परेकी उनलाई उपचारका लागि लखनउ पु-याइएको थियो । तर संक्रमण बढ्दै जाँदा उनको स्वास्थ्य अवस्था पनि थप कमजोर बन्दै गएको थियो । अस्पतालको विशेष आइसोलेसनमा राखेर उपचार हुँदै गरेका बेला उनको आज बिहान निधन भएको भारतका विभिन्न सञ्चारमाध्यमले उल्लेख गरेका छन् । एक वर्षअघि उनी भारतको उत्तर प्रदेश प्रविधि तथा शिक्षा मन्त्री बनेकी थिइन् ।

भारतको उत्तर प्रदेशका मुख्यमन्त्री योगी आदित्यनाथले मन्त्री कमलाको निधनमा दुख व्यक्त गर्दै उनी एकजना जनप्रिय नेता भएको प्रतिक्रिया दिएको इन्डियन एक्सप्रेसले आफ्नो अनलाईन संस्करणमा उल्लेख गरेको छ । भारतमा हालसम्म कोरोनाका कारण १७ लाख ५४ हजार १ सय १७ जना संक्रमित बनेका छन् भने ३७ हजार ४ सय १५ जनाको ज्यान कोरोनाकै कारण गएको छ । यस्तै हालसम्म ११ लाख ४८ हजार भन्दा बढीले कोरोनालाई जितेका छन् । भारत अमेरिका र ब्राजिलपछि विश्वमै सबैभन्दा धेरै कोरोना संक्रमित भएको मुलुक हो ।
स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित
२०८२ बैशाख १५ गते सोमबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
इजरायल आक्रमणमा मारिएका ४ नेपालीको शव काठमाडौं आइपुग्यो : आजै परिवारलाई बुझाइने
२०८० कार्तिक ५ गते आइतबार
२२ अक्टोबर, २०२३काठमाडौं । गत अक्टोबर ७ मा इजरायलमा...
पाकिस्तानकी महिला अधिकारकर्मी टोरोन्टोमा मृत भेटिइन्
२०७७ पुष ७ गते मंगलबार
२२ डिसेम्बर, २०२०टोरोन्टो, क्यानडा । क्यानडाको टोरन्टोमा बस्दै आएकी...
आर्थिक घोटलाको आरोप लागेपछि नेदरल्याण्ड्सका प्रधानमन्त्रीद्वारा राजीनामा
२०७७ माघ २ गते शुक्रबार
१५ जनावरी, २०२१दि हेग, नेदरल्याण्ड । आर्थिक घोषणाको आरोप...
देशभर कोरोना संक्रमितको संख्या ४५ पुग्यो
२०७७ बैशाख १० गते बुधबार
२२ अप्रिल, २०२०काठमाडौं । नेपालमा कोरोना संक्रमितको संख्या ४५...
Top