Best Khabar Team | २०२६ पुष १७ गते बिहिबार

---

२८ मार्च, २०२०
काठमाडौं । पछिल्लो समयमा नेपालमा कोरोना भाइरसबाट संक्रमितको संख्या बढ्दै गइरहेको छ । आज थप एकजनामा कोरोना संक्रमण भएको पुष्टि भए सँगै हालसम्म नेपालका कोरोना संक्रमितको संख्या ५ पुगेको छ । स्वास्थ्य मन्त्रालयले दिएको जानकारी अनुसार गएको चैत्र ४ गते कतार एयरको विमान हुँदै कतारको राजधानी दोहा हुँदै काठमाडौं आएकी २२ वर्षकी युवतीमा कोरोनाको संक्रमण भेटिएको हो ।

उनी हाल बाग्लुङ्गस्थित धौलागिरी अञ्चल अस्पतालको आइसोलेसनमा उपचाररत छिन् । उनको नमुना परिक्षणका क्रममा उनमा कोरोना पोजेटिभ भेटिएको मन्त्रालयले गरेको पत्रकार सम्मेलनमा जानकारी गराईको छ । यसअघि सोही विमानमा यात्रा गर्ने काठमाडौंकी एक १९ वर्षकी युवतीमा पनि कोरोनाको संक्रमण भेटिएको र उनी हाल टेकुस्थित सरुवा रोग अस्पतालमा उपचाररत छिन् । उनी फ्रान्सको राजधानी पेरिस हुँदै कतारबाट काठमाडौं आएकी थिइन् । उनमा कोरोना संक्रमण भएको करिब १ साता अघि पुष्टि भएको थियो ।

त्यसपछि सो विमानमा यात्रा गर्नेहरुको तथ्यांक समेत सार्वजनिक गरिएको थियो । कोरोना संक्रमितमध्ये २ को काठमाडौंको टेकु अस्पतालमा, एकको सेती प्रादेशिक अस्पतालमा र आज कोरोना संक्रमण पुष्टि भएकी युवतीको बाग्लुङ्गस्थित धवलागिरी अञ्चल अस्पतालमा उपचार भै रहेको छ । ती युवतीलाई सुरक्षितरुपमा काठमाडौंको टेकुस्थित सरुवा रोग अस्पतालमा ल्याइने स्वास्थ्य मन्त्रालयको पत्रकार सम्मेलनमा जनाएको छ । ।

यद्यपि एकजना भने उपचारपछि स्वास्थ्यलाभ गरी घर फर्किसकेका छन् । यसअघि धनगढीमा उपचार गराईरहेका पुरुष संक्रमित केही समयअघि दुबईबाट काठमाडौं आएका थिए । यस्तै, काठमाडौंमा उपचारत धादिङ्गका एक युवक पनि विदेशबाटै आएका थिए भने नेपालमा भेटिएको पहिलो कोरोना संक्रमित पनि चीनबाट काठमाडौं फर्केका व्यक्ति थिए ।

पछिल्ला दिनमा कोरोनाको संक्रमितको संख्या बढ्दै गएपछि सरकारले सिँगो मुलुकलाई ‘लकडाउन’ गरेको पाँचौदिन ५ औं कोरोना संक्रमित भेटिएकी हुन् । सरकारले कोरोनाको संक्रमणबाट जोगाउन आम नागरिकलाई घरभित्रै बस्न र सुरक्षित रहन आग्रह गरेको छ ।

---

Comment from facebook