काठमाडौंमा अब ठेलागाडा र साइकलमा व्यापार गर्न नपाईने

Best Khabar Team | २०८० आश्विन १४ गते आइतबार

१० जनवरी, २०२३
काठमाडौं । मुलुकको एकमात्रै महानगरपालिका अर्थात् काठमाडौं महानगरपालिकाभित्र अब उप्रान्त ठेलागाडा र साइकलमा व्यापार व्यवसाय गर्न नपाईने भएको छ । काठमाडौं महानगरपालिकाले आज एक सूचना निकालेर आजैका मितिदेखि लागूहुने गरी साइकल र ठेलागाडामा सामान राखेर सडकमा गरिने व्यापारमाथि प्रतिबन्ध लगाएको जनाएको छ ।

पछिल्ला वर्षहरुमा काठमाडौं उपत्यका भित्रका सडकहरुमा साइकल, गेठागाडा तथा अन्य हिसावले हस्तक्षेप गरी व्यापार, व्यवसाय गर्ने गरिएको र यसका कारण पैदलयात्री तथा सवारी साधन आवतजातमा कठिनाई भएका एवं दुर्घटना बढेको गुनासो आइरहेका बेला महानगरपालिकाले आज एक सूचना जारी गरी सडकपेटीमा अनधिकृत रुपमा व्यापार व्यवसाय गर्ने, निजी प्रयोगका सामग्रीहरु राख्न नपाईने निर्णय गरेको हो ।

निर्णयलाई नमानी जर्वजस्ती रुपमा पसल तथा व्यवसाय सञ्चालन गरिएमा कानुन अनुसार कारबाही गरिने र सामानहरु जफथ गरिने सूचनामा उल्लेख छ । काठमाडौं महानगरपालिको मेयरको रुपमा बालेन साहको आगमनसँगै उपत्यकाभित्र देखिने खालका सुधारका कार्यक्रमहरु अघि बढिरहेका छन् ।

हेर्नोस । काठमाडौं महानगरपालिकाद्वारा जारी विज्ञप्ति ।