धादिङ्गमा लगातार भूकम्पको धक्का : केही घरमा सामान्य क्षति

Best Khabar Team | २०८० कार्तिक ५ गते आइतबार


२२ अक्टोबर, २०२३
सल्यानटार, धादिङ्ग । धादिङ्गको ज्वालामूखि गाउँपालिका वडा नम्बर ५ को खरी भन्ने ठाउँलाई केन्द्रबिन्दु बनाएर आज बिहान भूकम्प गएको छ । आज बिहान केही घण्टाको अन्तरालमा ४ पटकसम्म भूकम्पको कम्पन महशुस गरिएको स्थानीयबासीले बताएका छन् । पहिले गएको भूकम्प ६ दशमलव १ रेक्टर स्केलको भएको राष्ट्रिय भूकम्प मापन तथा अनुसन्धान केन्द्रले जनाएको छ ।

भूकम्पबाट क्षति पुगेको खरीको एक घर: तस्वीर साभार नवराज छत्कुलीको फेसबुकबाट

त्यसपछि निरन्तर रुपमा पराकम्पन गएको र त्यसका कारण खरी आसपासमा रहेका केही दर्जन घरहरुमा क्षति पुगेको छ । भूकम्पको कारण अहिलेसम्म कुनै मानवीय क्षति नभएको जिल्ला प्रहरी कार्यालयले जनाएको छ । केन्द्रका अनुसार यो भूकम्प नयाँ नभै २०७२ सालमा गोर्खाको बारपाकलाई केन्द्रबिन्दु बनाएर गएको भूकम्पकै पराकम्पन भएको बताइएको छ । भूकम्पको धक्का छिमेकी काठमाडौ, गोरखा, चितवन, नुवाकोटलगायतका जिल्लामा पनि महशुस गरिएको थियो । भूकम्पका कारण खरी क्षेत्रका केही जमिनमा चिरा परेको तथा बुढीगण्डकी क्षेत्रमा रहेका केही तटीय जमिन समेत चिरिएको छ ।

निरन्तर भूकम्पको धक्का महशुस भएपछि स्थानीय वासिन्दा दशैको बेला त्रसित बनेको स्थानीय पत्रकार नवराज छत्कुलीले बेस्टखबरलाई जानकारी दिए । यसैबीच भूकम्प आएलगत्तै घरको दोश्रो तलाबाट हामफाल्ने क्रममा गोर्खामा एक महिला घाइते भएकी छन् । घाइते हुनेमा गोरखाको गोरखानगरपालिका वडा नम्बर ३ नारेश्वर भोगटेनीकी ३० वर्षीया सरस्वती थापा रहेकी छन् । उनलाई उपचारका लागि चितवन लगिएको र उनको अवस्था सामान्य रहेको बताइएको छ ।



Comment from facebook



थप खबर पढ्नुहोस्
स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित

२०८२ बैशाख १५ गते सोमबार

२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...

एकैदिन थपिए ५९ जना कोरोना संक्रमित, भक्तपुर, धरान, मकवानपुर र बारामा थप ९ जनामा कोरोना,  संक्रमित ५१६ पुगे एकैदिन थपिए ५९ जना कोरोना संक्रमित, भक्तपुर, धरान, मकवानपुर र बारामा थप ९ जनामा कोरोना, संक्रमित ५१६ पुगे

२०७७ जेठ ९ गते शुक्रबार

२२ मे, २०२०काठमाडौं । देशका विभिन्न स्थानमा आजमात्रै ५९...

‘मान्छेको जुनी अचम्मै हुने रैछ नी’(भिडियो) ‘मान्छेको जुनी अचम्मै हुने रैछ नी’(भिडियो)

२०७७ बैशाख २३ गते मंगलबार

०५ मे, २०२०काठमाडौं । गायक विनोद वानियाले ‘मान्छेको जुनी...

नवलपरासी दुर्घटना : ४ को मृत्यु, ८ घाइते नवलपरासी दुर्घटना : ४ को मृत्यु, ८ घाइते

२०७६ माघ २९ गते बुधबार

१२ फेब्रुअरी, २०२०परासी । नबलपरासीमा गएराति लु ४ त...

अक्टोबरपछि युरोपमा कोरोना संक्रमित बढ्नसक्ने डब्लुएचओको चेतावनी अक्टोबरपछि युरोपमा कोरोना संक्रमित बढ्नसक्ने डब्लुएचओको चेतावनी

२०७७ भाद्र १२ गते शुक्रबार

२८ अगस्ट, २०२०ब्रसेल्स, बेल्जियम । युरोपेली मुलुकमा गर्मी (समर)...

Top