दक्षिण अफ्रिकी युवतीलाई पहिलो पटक विश्वसुन्दरीको उपाधी : जोजिविनी बनिन् मिस युनिर्भस

Best Khabar Team | २०७६ मंशिर २४ गते मंगलबार

१० डिसेम्बर, २०१९ काठमाडौं । दक्षिण अफ्रिकाकी युवती जोजिविनी तुनजी यो वर्षको विश्व सुन्दरी घोषित भएकी छन् । यो जित सँगै उनले पहिलो पटक अश्वेत अफ्रिकी युवतीबाट मिस युनिर्भस जित्ने लिस्टमा आफ्नो नाम दर्ज गराएकी छन् । विभिन्न चरणहरु पार गर्दै उनले अन्त्यमा उपाधी जितेकी हुन् । जर्जियाको एट्लान्टास्थित टाइलर पेरी स्टुडियोमा आयोजित भएको सो प्रतियोजितामा उनले उपाधी जितेकी हुन् । उनी एक अभियन्ताको रूपमा सक्रिय छिन् र लैङ्गिक हिंसा अन्त्यका लागि विशेष रूपमा काम गरिरहेकी छिन् ।

छनोटका क्रममा उनलाई सोकिएको प्रश्नको जवाफमा उनले आफू हूर्किएको ठाउँका महिलाहरुको छालाको रङ र कपाल एउटै हुने भन्दै उनीहरुलाई कहिल्यै पनि सुन्दरताको कसीमा राख्ने नगरिएको बताइन् । अबका दिनमा यस्तो रंगभेदको अन्त्य भएको भन्दै उनले भावुक रुपमा जुरीहरुको प्रश्नको जवाफ दिएकी थिइन् ।

उनले अगाडि थपिन्– म चाहन्छु बच्चाहरू मजस्तै देखिइनु र उनीहरूको मुहारमा मेरो प्रतिबिम्ब रहोस् । यसैबीच मिस युनिर्भसको फस्र्ट रनरअपमा मिस मेक्सीको र मिस प्युरितो रि विजयी भएका छन् । प्रतियोगितामा विश्वका दर्जनौं मुलुकका सुन्दरीहरु सहभागि भएका थिए ।