नागरिकता कानुन संधोशनको विरोध : उत्तर प्रदेशमा मात्रै १४ को ज्यान गयो , प्रदर्शन हिंसात्मक बन्दै

Best Khabar Team | २०२६ पुष १७ गते बिहिबार

२१ डिसेम्बर, २०१९
काठमाडौं । नागरिकता संशोधनसम्बन्धी विधेयकको विरोधमा भारतको उत्तर प्रदेशमा भएको आन्दोलन हिंसात्मक बन्दै गएको छ । आन्दोलनका कारण विगत ३ दिनमा मात्रै भारतमा १४ जनाको ज्यान गएको हो ।

नागरिकता विधेयकको विरोधमा उत्रिएका प्रदर्शनकारीमाथि भएको कारबाहीमा उत्तर प्रदेशमा मात्रै १४ जनाको ज्यान गएको बताइएको । प्रदर्शनका क्रममा देशका विभिन्न स्थानमा भएको प्रदर्शनका क्रममा करिब २ दर्जनलाई प्रहरीले पक्रेको छ । दरियागञ्ज, नयाँ दिल्ली, इन्डियागेटलगायतका क्षेत्रमा प्रदर्शनकारीहरुले गाडी तथा अन्य सवारी साधनमाथि तोडफोड गरेका छन् ।

प्रहरीले स्थानीय प्रदर्शनकारीहरुलाई तत्काल प्रदर्शन रोक्न आग्रह गरेको छ । करिब एक सातादेखि जारी आन्दोलन दिन प्रतिदिन हृंसात्मक बन्दै गएपछि सरकारले प्रदर्शनकारीलाई प्रदर्शन रोक्ने आग्रह गरेको छ ।