४ महिनापछि पायो प्रतिनिधि सभाले सभामुख, सापकोटाले खाए सपथ

Best Khabar Team | २०७६ माघ १३ गते सोमबार

राष्ट्रपति भवनमा आज भएको सपथ ग्रहण समारोह । तस्वीर : रविन तिमल्सिना / बेष्टखबर डटकम

२७ जनवरी । निवर्तमान सभामुख कृष्णबहादुर महरा बलात्कार आरोपमा पक्राउ परेपछि रिक्त रहेको प्रतिनिधि सभाका सभामुखमा अग्नीप्रसाद सापकोटा चयन भएका छन् । सभामुखमा निर्विरोध निर्वाचित भएपछि सापकोटले आज आज पद तथा गोपनियताको सपथ लिएका छन् । सभामुख सापकोटाले आज बिहान राष्ट्रपति भवन शितलनिवासमा राष्ट्रपति विद्यादेवी भण्डारीसँग पद तथा गोपनियताको सपथ लिएका हुन् ।

कार्यक्रममा उपराष्ट्रपति नन्दबहादुर पुन, प्रधानमन्त्री केपी शर्मा ओली, प्रधानन्यायाधीश चोलेन्द्रशमशेर जवरालगायत सहभागी थिए । यो सँगै चार महिनादेखि सभामुख विहिन प्रतिनिधि सभाले अब सभामुख पाएको छ भने ४ महिनादेखि अवरुद्ध सभाका नियमित काम कारबाही पनि सूचारु हुने छन् ।