काठमाडौं सतुंगलका ७ वर्षका बालकमा कोरोना, धरान र नेपालगञ्जमा थप ८ जना संक्रमित थपिए, कुल संक्रमितको संख्या २६७

Best Khabar Team | २०७७ जेठ २ गते शुक्रबार

१५ मे, २०२०
काठमाडौैं । काठमाडौंमा एकजना ७ वर्षका बालकमा कोरोना संक्रमण पुष्टि भएको छ । राष्ट्रिय जनस्वास्थ्य प्रयोगशाला टेकुमा गरिएको परीक्षणका क्रममा काठमाडौंको सतुंगलका ७ वर्षका बालकमा कोरोना संक्रमण पुष्टि भएको हो ।

स्वास्थ्य मन्त्रालयका अनुसार ती बालकको हिजो स्वाब परीक्षणका गरिएको र आज कोरोना पोजेटिभ रिपोर्ट आएको हो । उनको अवस्था सामान्य रहेको छ । यस्तै पर्साका ९ वर्षका बालक, विरगञ्जका १० वर्षका बालक, २३, ४७ वर्षीया महिलामा कोरोना संक्रमण पुष्टि भएको मन्त्रालयको भनाई छ ।

उदयपुरको त्रियुगा नगरपालिकाका बस्ने २५ वर्षका पुरुष, दाङको तुलसीपुर बस्ने २३, ३६, ३४ वर्षका ३ जना पुरुषहरुमा पनि कोरोना संक्रमण देखिएको छ । संक्रमित सबैको स्थानीय चिकित्सकहरुको निगरानीमा उपचार अघि बढेको छ । उनीहरुको अवस्था सामान्य भएको बताइएको छ । योसँगै नेपालमा कुल कोरोना संक्रमितको संख्या २ सय ६७ पुगेको छ । यस्तै ३७ जना उपचारपछि घर फर्केका छन् ।

Comment from facebook