Best Khabar Team | २०७७ मंशिर २७ गते शनिबार
१२ डिसेम्बर, २०२०
पर्थ, अष्ट्रेलिया । अमेरिका, बेलायत, रसियालगायतका देशहरुले कोरोना भाइरस विरुद्धको भ्याक्सिन आम नागरिकमा प्रयोगका लागि अनुमति दिइरहेका खबर सार्वजनिक पृथ्वीको दक्षिण पूर्वमा अवस्थित एउटा विकसित देश अष्ट्रेलियाले भने कोभिडको भ्याक्सिन कार्यक्रम तत्कालका लागि रद्द भएको घोषणा गरेको छ ।
कोरोना भाइरसको संक्रमण रोक्नका लागि भन्दै तयार भएको भ्याक्सिनमा एचआइभीमा पाईने प्रोटिनको मात्रा भेटिएपछि यहाँको सरकारले गएरातिबाट लागूहुने गरी कोरोना भ्याक्सिन प्रयोगको कार्यक्रम तत्कालका लागि रद्द गरेको घोषणा गरेको छ ।
यहाँका प्रधानमन्त्री प्रधानमन्त्री स्कट मोरिसनले परियोजना खारेज गरिएको घोषणा गरेसँगै अष्ट्रेलिया विश्वमै पहिलोपटक कोरोना भाइरसको खोप रद्द गर्ने राष्ट्र बनेको छ । स्मरणीय के छ भने बेलायतले पहिलो पटक कोरोना विरुद्दको खोप आम नगरिकमा लगाउन शुरु गरेको १ साता नवित्दै अष्ट्रेलियाले भने यो कार्यक्रम रद्द गरेको हो ।
अष्ट्रेलियामा हालै कोरोनाका संक्रमितहरुलाई परिक्षणका रुपमा लगाईको कोरोना भ्याक्सिनपछि विरामीहरुमा एचआईभी परीक्षणका क्रममा देखिने ‘एन्टीबडी ट्रिगर’ देखिएपछि कोरोना विरुद्दको खोप कार्यक्रम रद्द गरिएको यहाँबाट प्रकाशित हुने विभिन्न पत्रपत्रिकाले उल्लेख गरेका छन् । यहाँबाट प्रकाशित हुने एविसी डट नेट डट एयुले आफ्नो अनलाईन संस्करणमा उल्लेख गरे अनुसार अष्ट्रेलियाको युनिभर्सिटी अफ क्वीन्सल्याण्ड र अष्ट्रेलियन बायोटेक फर्म सीएसएलले हालै गरेको भ्याक्सिनको परीक्षणका क्रममा संक्रमितहरुमा एचआईभी संक्रमितमा देखिने प्रोटिनको मात्रा देखिएपनि यो कार्यक्रम रद्द गरिएको हो ।
अष्ट्रेलियामा हालसम्म कोरोनाबाट ९ सय ८ जनाको ज्यान गै सकेको छ । तुलनात्मक रुपमा अष्ट्रेलियामा कोरोना संक्रमणको दर तथा मृतकको संख्या अन्य देशहरुमा भन्दा अत्यन्तै न्यून छ ।
२०२६ पुष १७ गते बिहिबार
१३, फेब्रुअरी, २०२४तानसेन, पाल्पा । पाल्पामा आज दिउँसो भएको...
२०२६ पुष १७ गते बिहिबार
१६ फेब्रुअरी, २०२० काठमाडौं । सरकारले चीनका विभिन्न शहरमा...
२०७६ फाल्गुन २१ गते बुधबार
०३ अप्रिल, २०२०काठमाडौं । विश्वव्यापी रुपमा फैलिएको कोरोना भाइरसको...
२०२६ पुष १७ गते बिहिबार
३० मे, २०२०काठमाडौं । नेपालमा कोरोना संक्रमितको संख्या १४...
Top