नेपालमा एकैदिन २३९ जनामा संक्रमण : २४ घण्टामा हालसम्मकै सबैभन्दा धेरै संक्रमित भेटिए, संक्रमितको संख्या १८ सय नाघ्यो (अपडेट)

Best Khabar Team | २०७६ पुष २१ गते सोमबार

०१ जुन, २०२०
काठमाडौं । नेपालमा आज एकैदिन हालसम्मकै सबैभन्दा धेरै कोरोना संक्रमित भेटिएका छन् । स्वास्थ्य तथा जनसंख्या मन्त्रालयले आज साँझ पत्रकार सम्मेलन गरी दिएको जानकारी अनुसार देशभर पछिल्लो २४ घण्टामा २ सय २६ जना संक्रमित भेटिएको थियो । तर त्यसको २ घण्टा वित्न नपाउँदै मन्त्रालयले अर्को अद्यावधिक विवरण सार्वजनिक गर्दै थप १३ जनामा कोरोना संक्रमण पुष्टि भएको जनाएको छ ।

मन्त्रालयले दिएको जानकारी अनुसार पाल्पाको निस्दी गाउँपालिकामा १७ र ३६ वर्ष उमेरका २ जना पुरुष, नवलपरासीको सरावल गाउँपालिकामा ६ वर्षका एक बालक, गुल्मीको रेसुंगा नगरपालिकामा २६ वर्षका पुरुष, कपिलबस्तुको मायादेवी गाउँपालिकामा १९ देखि ४० वर्ष उमेर समूहका ७ जना पुरुषमा कोरोना संक्रमण देखिएको छ ।

यस्तै रुपन्देहीको गैडहवा गाउँपालिकामा ३ वर्षकी बालिका र ५४ वर्षका पुरुषमा पनि संक्रमण देखिएको मन्त्रालयले जनाएको छ । योसँगै देशभर कोरोना संक्रमितको संख्या १ हजार ८ सय ११ पुगेका छ ।