५ महिनाका लागि नयाँ प्रहरी प्रमुख नियुक्त, ज्ञवाली बने २७ औं प्रहरी महानिरीक्षक

Best Khabar Team | २०७६ माघ २८ गते मंगलबार

१० फेब्रुअरी, २०२०
काठमाडौं । सरकारले ५ महिनाका लागि नेपाल प्रहरीको नयाँ प्रहरी महानिरीक्षक नियुक्त गरेको छ । मन्त्री परिषद् बैठकले आगामी असारसम्मका लागि ठाकुर ज्ञवालीलाई प्रहरी महानिरीक्षकको रुपमा नियुक्त गरेको हो ।

उनी नेपाल प्रहरीका २७ औं प्रहरी महारिनक्षिक हुन् । यद्यपि आगामी असार २४ गते पछि भने नेपाल प्रहरीको २८ औं प्रहरी महानिरीक्षकमा प्रहरी संगठनकै नयाँ व्यक्ति नियुक्त हुनेछन् । ३० वर्षे सेवा हदका कारण असार २४ गतेपछि भने ज्ञवालीको कार्यकाल समाप्त हुनेछ । हालका प्रहरी महानिरीक्षक सर्वेन्द्र खनालले पनि उमेर हदका कारण सेवाबाट अवकास पाएसँगै सरकारले बरियतामा रहेका ज्ञवालीलाई प्रहरी महानिरीक्षक बनाएको हो ।

नवनियुक्त प्रहरी महानिरीक्षक ज्ञवाली २०४७ असार २५ मा प्रहरी निरीक्षकबाट प्रहरी सेवामा प्रवेश गरेका अधिकृत हुन् । प्रहरी नियमावलीको परिच्छेद ४ को बढुवा सम्बन्धी व्यवस्थाको दफा ४१ अनुसार बरियतामा रहेका ज्ञवालीलाई प्रहरी प्रमुख बनाइएको सरकारले जनाएको छ ।

Comment from facebook