उपत्यकामा कोरोनाबाट थप एक महिलाको मृत्यु, प्रहरी मुख्यालय भित्र संक्रमित प्रहरीको संख्या ७२ पुग्यो

Best Khabar Team | २०२६ पुष १७ गते बिहिबार


३१ जुलाई, २०२०
काठमाडौं । काठमाडौं उपत्यकाभित्र कोरोना भाइरसको संक्रमणबाट थप एकजनाको ज्यान गएको छ । उपत्यकाभित्र पर्ने ललितपुर जिल्लाको पाटन अस्पतालमा उपचाररत वीरगञ्जकी एक महिलाको उपचारको क्रममा आज बिहान निधन भएको अस्पताल स्रोतले जानकारी दिएको छ । कोरोना भाइरसबाट संक्रमित ती महिलाको पाटन अस्पतालको अति सघन उपचार कक्ष (आइसियु) मा उपचार चलिरहेको थियो ।

वीरगञ्जबाट उपत्यका ल्याएलगत्तै उनलाई ललितपुरकै अर्को एक निजी अस्पतालमा राखेर उपचार गरिएको भएपनि अबस्था गम्भीर भएपनि पाटन अस्पतालमा उपचारका लागि साउन ६ गते भर्ना गरिएको थियो । शुरुमा सामान्य भएपछि पछिल्ला दिनमा उनमा स्वाव प्रस्वासमा समस्या देखिएको थियो ६५ वर्षकी ती महिला उच्च रक्तचापको विरामी समेत रहेकी थिइन् । उनको सम्पर्कमा रहेका अन्य परिवारका सदस्यलाई पनि कोरोना संक्रमण पुष्टि भएपनि उनीहरुलाई अहिले चिकित्सकको निगरानीमा आइसोलेसनमा राखिएको छ ।

यो सँगै नेपालमा कोरोना संक्रमणबाट ज्यान गुमाउनेको संख्या ५५ पुगेको छ । यसअघि ५३ जना संक्रमितको ज्यान गएकोमा गएराति वीरगञ्जमा २ जनाको उपचारका क्रममा निधन भएको थियो।

यसैबीच काठमाडौंको नक्सालस्थित प्रहरी मुख्यालयमा कार्यरत थप २८ जना प्रहरीमा कोरोना संक्रमण पुष्टि भएको छ । प्रहरी स्रोतका अनुसार प्रहरी मुख्यालयको सञ्चार र सवारी शाखामा कार्यरत प्रहरी मध्ये २८ जना थप प्रहरीमा पछिल्लो २४ घण्टा यता कोरोना संक्रमण पुष्टि भएको हो ।

उनीहरुलाई अहिले प्रहरी अस्पतालको आइसोलेसनमा राखेर उपचार अघि बढाइएको छ । यसअघि मुख्यालयको सोही विभागमा कार्यरत ४२ जना प्रहरीमा कोरोना संक्रमण पुष्टि भै सकेको छ । उनीहरुको सम्पर्कमा रहेकाहरुको ‘कन्ट्राक्ट ट्रेसिङ्ग’ गर्ने क्रममा थप २८ जनामा संक्रमण भेटिएको प्रहरी मुख्यालय स्रोतले जानकारी दिएको छ ।



Comment from facebook



थप खबर पढ्नुहोस्
समुदायमा कोरोना फैलिएको आशंका गर्दै धरानमा फेरि लकडाउनको घोषणा समुदायमा कोरोना फैलिएको आशंका गर्दै धरानमा फेरि लकडाउनको घोषणा

२०७७ बैशाख २६ गते शुक्रबार

०५ अगस्ट, २०२०इनरुवा, सुनसरी । समुदायमा कोरोना भाइरस फैलिएको...

इटलीमा कोरोनाको प्रकोप : झण्डै ६ करोड मानिसहरुलाई घरभित्रै बस्न  सरकारको आदेश इटलीमा कोरोनाको प्रकोप : झण्डै ६ करोड मानिसहरुलाई घरभित्रै बस्न सरकारको आदेश

२०७७ आश्विन १७ गते शनिबार

१० मार्च, २०२०रोम । पछिल्लो समयमा चीन बाहिर सबैभन्दा...

दुर्घटनामा परेका पूर्वउपप्रधानमन्त्री मैनालीको अवस्था सुधारोन्मुख दुर्घटनामा परेका पूर्वउपप्रधानमन्त्री मैनालीको अवस्था सुधारोन्मुख

२०२६ पुष १७ गते बिहिबार

२७ फेब्रुअरी, २०२० काठमाडौं । सडक दुर्घटनामा परेका पूर्व...

बेलायतमा एनआरएन पूर्व उपाध्यक्ष कूल आचार्यमा कोरोना लक्षण : घरमै आइसोलेसनमा बेलायतमा एनआरएन पूर्व उपाध्यक्ष कूल आचार्यमा कोरोना लक्षण : घरमै आइसोलेसनमा

२०२६ पुष १७ गते बिहिबार

१८ अप्रिल, २०२०लण्डन । गैरआवासीय नेपाली संघ (एनआरएनए) बेलायतका...

Top