पोखरा स्वास्थ्य विज्ञान प्रतिष्ठानमा उपचाररत एकको कोरोनाका कारण मृत्यु

Best Khabar Team | २०७७ श्रावण २५ गते आइतबार

०९ अगस्ट, २०२०
लेकसाईड, कास्की । मधुमेहको उपचारका लागि अस्पताल भर्ना भएका एक पुरुषको गएराति कोरोना संक्रमणका कारण कारण ज्यान गएको छ । यहाँस्थित पोखरा स्वास्थ्य विज्ञान प्रतिष्ठानमा उपचाररत पोरखा उप महानगरपालिकाका वडा नम्बर ११ का ६२ वर्षका पुरुषको गएराति उपचारकै क्रममा ज्यान गएको हो ।

उनको स्वाब संकलनको रिपोर्टमा पोजेटिभ रिपोर्ट आएको आस्पतालले जनाएको छ । स्वास्थ्यमा समस्या देखिएपछि गएको साउन १७ गते उनी अस्पतालमा भर्ना भएका थिए । उनको अस्पतालको अति सघन कक्ष (आइसियु) मा उपचार चलिरहेको थियो । उपचारकै क्रममा उनको गएराति निधन भएको र उनमा कोरोना संक्रमणसमेत पुष्टि भएको अस्पतालले जनाएको छ । उनको मृत्युसँगै उपचारमा संलग्न चिकित्सक तथा उनका सम्पर्कमा रहेका अन्यको कन्याट ट्रेसिङ्गको काम शुरुभएको अस्पालले जनाएको छ ।

उनी पछिल्लो ६ महिनायता विदेश तथा अन्यत्र कतै नगएको उनको परिवारका सदस्यहरुले जनाएका छन्