नेपालमा पहिलो पटक पत्रकारलाई कोरोना !

Best Khabar Team | २०७७ बैशाख ३० गते मंगलबार

१२ मे, २०२० वीरगञ्ज । नेपालमा पहिलो पटक सञ्चारकर्मी अर्थात् पत्रकारमा कोरोना (कोभिड १० ) को संक्रमण देखिएको छ । जिल्ला जनस्वास्थ्य कार्यालय पर्साले दिएको जानकारी अनुसार जिल्लामा रहेर विभिन्न सञ्चारमाध्यममा कार्यरत २ जना पुरुष सञ्चारकर्मी (पत्रकार)मा कोरोना संक्रमण पुष्टि भएको हो । उनीहरुको नाम सार्वजनिक गरिएको छैन । समाचार संकलनका क्रममा जिल्लाका विभिन्न ठाउँमा पुगेका उनीहरुमा संक्रमण भेटिएको हो ।

ती सञ्चारकमीहरुले समाचार संकलनका क्रममा जिल्ला र आपसासका विभिन्न ठाउँमा पुग्ने क्रममा आशंका लागेपछि अस्पतालका चिकित्सकलाई स्वाब संकलनका लागि अनुरोध गरेका थिए । सञ्चारकर्मीलाई संक्रमण देखिएपछि उनीहरुलाई चिकित्सकको निगरानीमा राखिएको छ । पर्सामा आजमात्रै ३९ जनामा कोरोना संक्रमण देखिएको र उनीहरुमध्ये २ जना सञ्चारकर्मी रहेको बताइएको छ ।

जिल्लाबाट गरिएको स्वाब संकलनको परीक्षणका क्रममा आज पहिलो चरणमा आएको रिपोर्टमा ४ जना पत्रकारमा पनि कोरोना संक्रमण पुष्टि भएको हो । अन्य सञ्चारकर्मीहरुको पनि स्वाब संकलन गरिएको र उनीहरुको रिपोर्ट आउन बाँकी रहेको जिल्ला जनस्वास्थ्य कार्यालयले जानकारी दिएको छ ।

देशभर आजमात्रै ५७ जनामा कोरोना संक्रमण देखिइसकेको छ ती मध्ये ४ जना सञ्चारकर्मीहरु रहेका छन् । नेपालमा सञ्चारकर्मीमा कोरोना संक्रमण पुष्टि भएको यो पहिलो घटना हो ।

Comment from facebook