सरकारको निर्णय : चलचित्र विकास बोर्डको अध्यक्षमा दयाराम दाहाल नियुक्त

Best Khabar Team | २०७६ चैत्र २४ गते सोमबार

०४ जुन, २०२०
काठमाडौं । सरकारले २ वर्षे कार्यकालका लागि चलचित्र विकास बोर्डको अध्यक्षमा चलचित्रकर्मी दयाराम दाहाललाई नियुक्त गर्ने निर्णय गरेको छ । मन्त्रीपरिषद्को आज साँझ सम्पन्न बैठकले दाहाललाई बोर्डको अध्यक्षमा नियुक्त गर्ने निर्णय गरेको हो । गएको मंसीरमा हृदयघातका कारण बोर्डका तत्कालीन अध्यक्ष अध्यक्ष केशव भट्टराईको निधन भएपछि बोर्ड विगत ६ महिनादेखि अध्यक्ष विहिन बनेको थियो ।

दाहाल झण्डै २ दशकदेखि नेपाली चलचित्र क्षेत्रमा सक्रिय रहेका छन् । उनले दर्जनौं नेपाली चलचित्रको निर्देशन समेत गरेका छन् । बोर्ड अध्यक्षका लागि सञ्चार मन्त्रालयले नाम प्रस्ताव गर्न चलचित्रकर्मीहरुलाई अनुरोध गरेकोमा १० हालसम्म जनाले नाम बुझाएका थिए । बुझाइएका नाममध्ये मन्त्रालयले दयाराम दाहाल र राजेश थापा र भुबन केसीको नाम अध्यक्षका प्रत्यासीको रुपमा मन्त्रीपरिषद् बैठकमा पेश गरेको थियो । मन्त्रीपरिषद् बैठकले दाहालको नाममा सहमति जुटाएको हो ।

Comment from facebook