बाइडेनको सपथ अगाबै ट्रम्प ह्वाईट हाउस छाडेर फ्लोरिडा उडे

Best Khabar Team | २०७७ माघ ७ गते बुधबार

२० जनवरी, २०२१
न्यूर्योक । गत नोभेम्बरमा भएको राष्ट्रपति चुनावमा पराजित बनेका अमेरिकाका निर्वतमान राष्ट्रपति डोनाल्ड ट्रम्पले राष्ट्रपति भवन (ह्वाईट हाउस) छाडेका छन् । उनले आफ्नो कार्यकाल पुरा भएकै दिन अर्थात् आज ह्वाईटहाउस छाडेका हुन् । नोभेम्बरमा भएको चुनावमा जो बाइेनसँग पराजित भएसँगै ट्रम्पको कार्यकाल आजदेखि समाप्त हुँदै थियो । यही बीचमा ट्रम्पले आजैबाट लागूहुने गरी ह्वाईटहाउस छाडेका हुन् ।

यसअघि नोभेम्बरमा भएको चुनावको मत परिणाममा असहमति जनाउँदै ट्रम्पले विभिन्न खाले टिका टिप्पणी गर्दै आएका थिए । उनले चुनावमा धाँधली भएको भन्दै यसको छानबिन गर्न मागसमेत गरेका थिए । यही विषयलाई लिएर केहीदिन अघि ह्वाईट हाउसमा प्रदर्शनसमेत भएको थियो ।

ह्वाईट हाउस छाड्दै गर्दा ट्रम्पले आफू नेतृत्वको अमेरिकी प्रशासनले निक्कै राम्रो काम गरेको बताएका छन् । तर उनले ह्वाईट हाउस छाड्नुअघि नवनिर्वाचित राष्ट्रपति वाईडेनलाई भने स्वागत गरेनन् । सामान्यतया नयाँ निर्वाचित राष्ट्रपति आएपछि उसलाई सत्ता हस्तान्तरण गर्ने औपचारिक परम्परालाई लत्ताउँदै ट्रम्प न्यूर्योक छाडेर फ्लोरिडा उडेको अन्र्तराष्ट्रिय सञ्चारमाध्यमले जनाएका छन् ।