पूर्वप्रम भट्टराईको ट्वीट ‘विवादित’

Best Khabar Team | २०७६ पुष १६ गते बुधबार

०१ जनवरी, २०२०
काठमाडौं । पूर्व प्रधानमन्त्री बाबुराम भट्टराईले नयाँ वर्ष २०२० को अवसरमा हिजो साँझ सामाजिक सञ्जाल ट्वीटरमा एउटा ट्वीट गर्नुभयो । उहाँले विक्रम सम्बत् सांस्कृतिक क्यालेन्डरको रुपमा राख्न र इस्वी सम्वत्लाई प्रशासनिक एवं आर्थिक क्यालेन्डरको रुपमा लागू गर्नुपर्ने विचार राखेसँगै उहाँका ट्वीटर फलोअर्सले त्यसको विरोध जनाएका छन् ।

ट्वीटरमा प्रधानमन्त्री भट्टराईले नेपालमै जन्मेको नेपाल नेपाल सम्बत् तथा भारतीय उपमहाद्वीपमा प्रचलित विक्रम सम्बत्लाई सांस्कृतिक क्यालेण्डर र पश्चिममा जन्मेर विश्वव्यापी भएको इस्वी सम्वत् लाई प्रशासनिक र आर्थिक क्यालेण्डर बनाउनुपर्ने धारणा राख्नुभएको छ । अन्यथा सरकारले घोषणा गरेको समृद्धि, विदेशी लगानी,पर्यटन बर्ष ‘सम्धीको गफ’ हुने भन्दै ट्वीटर गर्नुभएपछित्यसको विरोध हुन थालेको हो । ट्वीटरमा उहाँका फलोअर्सले पूर्वप्रधानमन्त्री जस्तो व्यक्तिले हचुवाको भरमा यस्तो अभिव्यक्ति दिनु दुःखद भएको बताएका छन् ।

Comment from facebook